VOV4.K’ho - Dờ bal dơ\ lam sồr bơh Mpồl tam klăc cau ùr Việt Nam mờ mpồl đơng lam ling sền gàr tiah hàr dà lơgar, lồi nhai 6 lài do, broă lơh “Lòt bal mờ cau ùr tiah nhàr dà lơgar tơngai bơh nam 2018 tus 2020” mùl màl geh mu\t lơh tàm càr Kon Tum. Bơh tàm dơ\ l^k lơh broă sơnrờp ngan, Mpồl tam klăc cau ùr càr Kon Tum, Mpồl đơng lam ling sền gàr tiah nhàr dà lơgar càr Kon Tum bal mờ broă tus bal bơh Ban Gia đình mờ Xã hội – Mpồl tam klăc cau ùr Việt Nam, mpồl tam klăc cau ùr [òn dờng Hà Nội, mpồl tam klăc cau ùr càr Đồng Nai neh lời wơl geh nùs nhơm niam. Mờ tàm cồng nha bơh broă lơh do geh broă pơgồp bal dờng màng ngan bơh ală cau ling sền gàr tiah nhàr dà lơgar dê.

Gam tàm gùl kàl mìu Tây Nguyên, tàm hìu kơl^k cang mờ đơr, lo\ Y Ban, kòn cau Jeh-Triêng kis tàm [òn Đăk Ga, xã tiah nhàr dà lơgar Đăk Nhoong, kơnhoàl Đăk Glei, càr Kon Tum ờ g^t bè lơi, broă lơh “Lòt bal mờ cau ùr tiah nhàr dà lơgar tơngai bơh nam 2018 tus 2020” g^t rài kis mờ tus dong kờl lo\ lơh hìu.

                               Lo\ Y Ban dờp priă dong kờl lơh hìu nùs nhơm bơh broă lơh do dê

Lo\ Y Ban đơs, bơh tu\ bơklao chơ\t, 2 nă mè mờ kòn lơh broă bal kờ` kis jăt ngai. Phan bơna ờ geh, bơta pràn kơl dang să jan kờ` lơh broă ờ geh uă, den tàng broă lơh geh 1 nơm hìu là bơta b^c tàm mpao lo\ kung ờ go\ sơl. G^t ală bơta tàm rài kis làng bol, g^t tus rài kis Y Ban, mpồl ling sền gàr tiah nhàr dà lơgar Đăk Nhoong mpồl cau tơrbo\ bal kờ` lo\ geh dong kờl lơh hìu nùs nhơm bơh broă lơh do dê. Tê gơrơm tu\ dờp phan lơh rùp lài lơh hìu nùs nhơm mờ khà 5 tơlăk priă, lo\ Y Ban ngoh rơngăc đơs:

-Hìu a` dềt ndrờm mờ sàl, tu\ trồ mìu `hăt. Ờ geh phan kờ` lơh. Lơh broă tàm suơn, tàm sre ròng kòn, lơh geh priă ha là lơh broă lơi den ờ jai. Ưn ngài ngan tơnơ\ do geh hìu ơm.

Broă lơh “Lòt bal mờ cau ùr tiah nhàr dà lơgar tơngai bơh nam 2018 tus 2020” geh mpồl tam klăc cau ùr càr Kon Tum pơgồp bal mờ mpồl đơng lam ling sền gàr tiah nhàr dà lơgar càr Kon Tum lơh tàm 5 xã tiah nhàr dà logar, tàm hơ\ geh: Rờ Kơi, Mô Rai, kơnhoàl Sa Thầy; Đăk Blô, Đăk Nhoong, kơnhoàl Đăk Glei mờ xã Đăk Dục, kơnhoàl Ngọc Hồi.

      Kuang bàng, cau ling tàm pôs ling sền gàr tiah nhàr dà lơgar Đăk Nhoong tìp bal đơs crih mờ ală cau tàm mpồl cau ùr

Tơngu me bơh broă lơh do là lam sồr tơnguh jơnau g^t wă; bơsram tàp dong kờl bơta ngăc ngar a ală cau tàm mpồl cau ùr in g^t wă tàm broă bơ\t bơtàu hìu nhă gơboh gơbài; sền gàr bơta pràn kơl dang deh dùh; tơnguh bơtàu lơh sa klàs mờ rơ[ah kơl jăp… Đơs bè broă pơgồp bal bơh mpồl ling sền gàr tiah nhàr dà lơgar tàm broă lơh jăt broă do, mò Trần Thị Phong Lan, Phó Chủ tịch mpồl tam klăc cau ùr càr Kon Tum pà g^t:

-Mpồl ling sền gàr tiah nhàr dà lơgar mờ nùs nhơm bal mờ kơnòl bol a` go\ geh là ală bi tu\ geh pơgồp bal lơh là geh kơnòl, di pal ngan. Ală bơnah broă mờ geh lơh ndrờm geh broă pơgồp bal nền nòn bơh ală bi tàm mpồl ling dê. Ală bi dong kờl, dong kờl tai kuang bàng tàm mpồl tàm ală [òn kờ` geh cồng nha ngan, niam ngan tàm xã tiah nhàr dà lơgar.

Bal mờ broă dong kờl kơnrồ me deh kòn kờ` dong kờl ală cau tàm mpồl cau ùr kòn cau klàs mờ rơ[ah kơl jăp; bơyai lơh kham, sơm kòp ờ sa priă pah nam 1 dơ\ ai cau ùr mờ kơnòm dềt in; jào pà priă bơsram ai kơnòm bơsram rơ[ah bơsram jăk… Broă lơh “Lòt bal mờ cau ùr tiah nhàr dà lơgar tơngai bơh nam 2018 tus 2020”, mpồl ling sền gàr tiah nhàr dà lơgar càr Kon Tum gam geh gơnoar kuơ màng tàm broă sền gròi mùl màl, ai geh gùng dà broă lơh kờ` lơh broă.

Thượng tá Phạm Văn Lâm, Phó Chủ nhiệm chính trị, mpồl đơng lam ling sền gàr tiah nhàr dà lơgar càr Kon Tum pà g^t, kờ` ală broă lơh, lơh geh cồng nha mùl màl ai ală cau tàm mpồl cau ùr in, broă rơcang sùm geh kuang bàng, cau ling bơh ală pôs ling lơh mờ nùs nhơm geh kơnòl uă ngan:

-Cau ling sền gàr tiah nhàr dà lơgar lòt sền, g^t ală bơta mùl màl tàm rài kis làng bol kòn cau đơs bal mờ hìu nhă ală cau tàm mpồl cau ùr tàm ală xã, [òn tàm tiah nhàr dà lơgar. G^t broă kờ` bal mờ ală broă geh kuơ pal dong kờl. Bơh broă sền gròi neh bơ\t bơtàu geh broă lơh, tơngu me broă lơh mùl màl kờ` lơh geh cồng nha broă lơh do.

Bơh tàm dơ\ l^k lơh broă “Lòt bal mờ cau ùr tiah nhàr dà lơgar tơngai bơh nam 2018 tus 2020” di lồi nhai 6 pa do, tàm 5 xã tiah nhàr dà lơgar càr Kon Tum, uă broă lơh “Cau ùr tus bal mờ cau ling sền gàr tiah nhàr dà lơgar sền gàr gùng nhàr dà lơgar, `jong nhàr dà lơgar pơgồp bal mờ broă sền gàr tiah kis”, “Mpồl pơgồp bal cau ùr tam bùm blàng sơntìl pa” neh geh crơng gơs; 10 nơm rơndeh coh geh jào pà ai ală kơnòm bơsram rơ[ah bơsram jăk; 10 nơm hìu nùs nhơm, 50 nơm hìu jă brê geh lơh kờ` dong kờl ai ală hìu nhă cau tàm mpồl cau ùr geh rài kis kal ke in…

Lòt gan rơlao 600 kơi sồ gùng tus mờ xã tiah nhàr dà lơgar Đăk Nhoong, kơnhoàl Đăk Glei tus bal broă lơh “Lòt bal mờ cau ùr tiah nhàr dà lơgar tơngai bơh nam 2018 tus 2020”, lo\ Bùi Thị Hạnh, Phó Chủ tịch mpồl tam klăc cau ùr càr Đồng Nai ngoh rơngăc tu\ yal bè broă lơh niam nền nòn bơh ală kuang bàng, cau ling sền gàr tiah nhàr dà lơgar dê.

Lo\ Hạnh pà g^t, sal wơl nùs nhơm kuang bàng, cau ling bal mờ làng bol kis tàm do, mpồl tam klăc cau ùr càr Đồng Nai geh pơn jăt tai lơh uă broă lơh lòt bal mờ cau ùr kis tàm tiah nhàr dà lơgar:

-Bol a` neh lam sồr tàm ală cấp, mpồl tă pơgồp kờ` tus bal pơgồp bơta pràn mờ broă lơh do. Gơwèt mờ khà priă tă, bol a` kờ` bal mờ 1 ngai priă nhai mờ gơwèt mờ cau tàm mpồl cau ùr tơl nă cau 2 rơbô priă. Gơwèt mờ mpồl cau ùr bơh càr Đồng Nai bol a` lòt bơdìh mờ kơnòl bơh kuang bàng tàm mpồl cau ùr càr den gơwèt mờ mpồl cau ùr tàm ală tiah bol a` kung geh ai tơl bơta niam kờ` ală oh mi cau ùr lòt geh go\ ală kal ke, kờ` he geh dong kờl ai geh broă ring bal tàm mpồl cau ùr dê.

Bal mờ broă lơh “Lòt bal mờ cau ùr tiah nhàr dà lơgar tơngai bơh nam 2018 tus 2020” ală nam do, mpồl ling sền gàr tiah nhàr dà lơgar càr Kon Tum kung neh tus bal uă broă lơh mpồl bơtiàn geh kuơ màng, pơgồp bal tàm broă tơnguh rài kis làng bol tàm tiah nhàr dà lơgar rềp bal mờ 2 lơgar Lào mờ Campuchia.

Bơh ală broă lơh do, kuang bàng, cau ling sền gàr tiah nhàr dà lơgar càr Kon Tum neh hòi jà geh uă broă dong kơl làng bol bơ\t bơtàu rài kis hờm ram, lơngăp lơngai ờ do ờ dă tàm tiah nhàr dà lơgar sơlơ ngai sơlơ pràn kơl dang.

Cau mblàng Ndong Brawl