VOV4.K’ho- Bal mờ broă sền gàr kơ\ kơl jap gơnoar tờm mờ bơta lơngap lơngai tàm 2 gơl gùng rềp nhàr lơgar mờ lơgar Lào mờ Campuchia, pah nam kuang bàng, cau ling sền gàr tiah nhàr lơgar càr Kon Tum gam lơh ngan ai ling lơh broă lam sồr làng bol dong kờl ală làng bol tàm càr, ngan là làng bol tiah nhàr lơgar bơtàu tơnguh lơh sa, tơn jơh jơ gloh tơrmù r[ah. Bơh broă lơh niam broă lơh lam sồr làng bol, kuang bàng, cau ling sền gàr tiah nhàr lơgar càr Kon Tum dê neh bơt bơtàu, gàr kơ\ kơl jap geh nùs nhơm rcang gàr lài sền gàr dà lơgar tàm làng bol tàm tiah nhàr lơgar.

Tu\ lơi geh kuang bàng, cau ling sền gàr tiah nhàr lơgar rê tàm [òn Đak Mế, xã tiah nhàr lơgar Bờ Y, kơnhoàl Ngọc Hồi, lơh broă lơh lam sồr làng bol tàm [òn den geh bơta chờ  hờp chờ hờn bè dơ\ lơh chờ. Tàm uă broă lơh dong kờl làng bol, tu\ lơi ală cau ling sền gàr tiah nhàr lơgar kung pơs wàs hìu đam, lơh pơng gàr, pơs wàs ru\ rơm tàm gùng [òn dê,  toah wàs rơbòng dà… Den tàng bè hơ\ [òn Đak Mế geh bơta kloh niam ngan bè tu\ do. Bi Trần Thị Bình, dùl nă làng bol kis tàm [òn đơs bè do:

Cau ling rê tàm tiah do nàng dong [òn Đak Mế. Đơs ngan là cau ling jơh nùs ngan. Cau ling pơs wàs [òn lơgar, toah wàs rơbòng dà nàng kloh niam tàm [òn Đak Mế in 

Bal mờ ală dơ\ ai ling lơh broă lơh lam sồr làng bol uă ngan, tàm ală pồs đồng tàm jat 2 gah gơl gùng tiah nhàr lơgar rềp mờ lơgar Lào mờ Campuchia, broă lơh lam sồr làng bol là broă lơh pah ngai bơh kuang bàng, cau ling sền gàr tiah nhàr lơgar càr Kon Tum dê.

Ờ kờp ngai mờ mang, tơngai duh halà mìu càl, tu\ lơi làng bol tàm ală [òn geh broă kờ` dong kờl là kuang bàng, cau ling sền gàr tiah nhàr lơgar geh mat tơn. Bơh ală broă lơh dờng bè bơt bơtàu [òn lơgar pa, lơh hìu hơ đang, ngui Khoa học kỹ thuật tàm broă lơh sa… tus ală broă bè kòp tê jê să ờ geh cau lơh broă nàng tơnhào phan bơh suơn sre; bal mờ broă lùp klau tam bau ùr, ndrờm geh bơta tam pà mờ tus bal dong kờl bơh cau ling sền gàr tiah nhàr lơgar dê.

Ai tê jùt dà kơl hề tơnơ\ dơ\ cho\ jơh dùl kơn ru ù dờng bồr pơn ring bơnàng ù dong làng bol in lơh hìu, Thượng úy Bùi Thành Đô, Pôs đồng ling sền gàr tiah nhàr lơgar mpồng nhàr lơgar dunia Bờ Y, kơnhoàl Ngọc Hồi, chờ hờp đơs:

Ngai do a` tus bal mờ làng bol tàm do, a` gơlơh chờ hờp ngan. Bal mờ oh mi cau ling tàm mpồl den bol a` lơh jơh nùs  ngan mờ triang tryồng lơh niam kơnòl broă he dê

Bal mờ dong làng bol bơtàu tơnguh lơh sa tơn jơh jơ gloh tơrmù r[ah, broă sền gròi pràn kơl dang să jan làng bol in tàm tiah nhàr lơgar kung geh ală Pôs đồng ling sền gàr tiah nhàr lơgar sền là kơnòl broă sùm lơh bơh mpồl dê. Uă cau kòp jê ờ go\ lòt hìu sơnơm halà Cơl du\ kham ling klàng làng bol lơh bal, kuang bàng cau lơh sơnơm ling klàng bơh Pôs đồng den ờ ngòt ngai mờ mang sơr lèt gan gùng brê bơnơm, tiă gan dà croh tus tơn tàm hìu cau kòp nàng kham kòp mờ bơto pơlam làng bol in sơm kòp. Kơnờm bơh bơta sền go\ di tu\ bơh cau ling lơh sơnơm sền gàr tiah nhàr lơgar dê, uă ngan cau kòp neh geh sơm bời mờ geh bơta sơm kòp di tu\.

Di ală dơ\ lơh chờ, sa tềp halà ngai bơhìan bơh mpồl ling dê, Gah đơng lam mpồl ling sền gàr tiah nhàr lơgar càr Kon Tum ndrờm bơyai lơh ală dơ\ kham sơm kòp, phàt sơnơm sơm kòp ờ sa priă ai làng bol in. Là cau gơbàn sùm kòp tê jê să geh bác sĩ ling klàng cau ling sền gàr tiah nhàr lơgar dê kham mờ ai sơnơm sơm kòp, mò Đinh Thị Điển, ơm tàm xã Bờ Y, kơnhoàl Ngọc Hồi pà g^t:

 “Ală bác sĩ tàm do chờ hờp sơrmah sơrmài mờ jơh nùs ngan kham sơm kòp. Tu\ kham den kung ai sơnơm bơsia\, sơnơm gơguh gùng mhàm mờ bơtêo tơngkah niam ngan. A` kung neh kah ngan.  

Cồng nha dờng ngan rlau jơh tàm broă lơh lam sồr làng bol ală nam pa do bơh kuang bàng, cau ling sền gàr tiah nhàr lơgar càr Kon Tum dê là neh dong kờl làng bol tam gơl bơta kơlôi sơnơng tàm broă lơh. Mờ bơta pơlam dong kờl bơh kuang bàng,cau ling sền gàr tiah nhàr lơgar, kòn cau Rơ Măm ơm tàm xã Mô Rai, kơnhoàl Sa Thầy, tu\ do neh g^t lơh kòi sre, tam chi kau su nàng bơtàu tơnguh lơh sa hìu bơnhă in; bơh bơta triang tryồng mblàng yal mờ lam sồr làng bol bơh kuang bàng,cau ling Pôs đồng ling sền gàr tiah nhàr lơgar Đak Long, kơnhoàl Đak Glei, kòn cau Jeh- Triêng tàm xã\ neh sang uă bơta bơhìan ờ niam bơh yau.

Chờ hờp ngan là bal mờ bơta pơn jờng mờ dong kờl bơh kuang bàng, cau ling sền gàr tiah nhàr lơgar, làng bol kòn cau neh pin dờn rlau tai tàm bơta jak chài bơh he dê nàng jơh nùs  lơh ngan brồ guh tàm rài kis. Mò Y Pan, kòn cau B’râu, [òn Đak Mế, xã Bờ Y, kơnhoàl Ngọc Hồi pà g^t:

 Đảng, dà lơgar neh sền gròi. Cau ling sền gàr tiah nhàr lơgar lòt tus tơn tàm [òn. Bol a` lơh ngan mờ pơđơl pràn is nàng lơh ngan brồ guh jat tiah lơh sa pràn.Tam kơphê, kau su, bời lời nàng tơn jơh jơ gloh tơmù r[ah ngai sơlơ bơtàu tơnguh pràn rlau tai.

Cau mblàng K’ Hạnh