VOV4.K’ho- Rê mờ rài ờs mờng kis pah ngai tơnơ\ ală ngai drơng broă tàm mpồl ling, uă cau ling yau neh pơn jat tai lơh jat nùs nhơm cau ling wa Hồ, gơ gơs ală cau lam lài tàm broă tơn jơh jơgloh tơrmù r[ah, bơtàu tơnguh niam rài kis. Cau ling yau Ya Tùng, kòn cau Chru, ơm tàm thôn KGăngọ (cờ-găng-gọ), xã Próh, kơnhoàl Đơn Dương, càr Lâm Đồng, là dùl nă cau ling bè hơ\. Ồng ờ mìng ờ kơldìng wơl tàm bơta dong kờl bơh Dà lơgar, pơđơl pràn lơh is brồ guh lik klàs r[ah mờ gam hòi jà, dong kờl uă cau ndai brồ guh bal, bơt bơtàu [òn lơgar pa ngai sơlơ pas niam.

Nam 1986, klau pơnu kòn cau Ya Tùng, ơm tàm  thôn KGăngọ, xã Próh, kơnhoàl Đơn Dương, càr Lâm Đồng, lòt gùng tus bal lòt ling tàm sơnam 20 tàm tiah tam lơh lơgar Campuchia. Tơnơ\ tu\ rê bơh lòt ling, Ya Tùng rê tàm [òn tờm he dê, mờ jơh nùs tơrmù r[ah, dong hìu bơnhă mờ làng bol gùt dar [òn bơt bơtàu rài kis pa. Bơh 2 sào ù sre mè bèp lời wơl, Ya Tùng pơđơl pràn bơsram mờ ngui ală broă lơh tam phan jak chài tàm broă lơh sa nàng tơnguh uă cồng nha lơh geh, bơtàu tơnguh lơh sa hìu bơnhă.

Kơnờm nhap nhar, tơryăng tơryồng, bơdìh mờ bă ù  lơh sa neh geh rề ơnàng gơguh tus 1 lồ 2 sào kòi sre mờ 5 sào ù tam biăp, Ya Tùng gam tơrgùm bơtàu tơnguh ròng kơnrồ poăc mờ uă bơta phan ròng ndai. Bơh hơ\, lơh sa hìu bơnhă neh sùm geh tam gơl pa, mờ khà priă lơh geh g^t nđờ rơhiang tơlak tàm dùl nam. Hìu cang mờ gle tìm mờ ja ngai lơi kung neh geh ala wơl mờ hìu lơh mờ sơmang dờng niam. Jat Ya Tùng, cồng nha hơ\ là bơta lơh ngan brồ guh lik klàs bơh r[ah, sang te\ nùs nhơm kơ\p kơnờm bơta dong kờl bơh dà lơgar dê:

Dùl bơnah ù bơh  mè bèp lời wơl, dùl bơnah den he tềm pềr, tơrgùm nàng blơi tai, ờ geh bơta dong kờl lơi, mìng 2 nă ùr bơklau pơđơl pràn lơh is lơm. Ù tiah Đơn Dương den cau tam biăp den a` pal lòt bơsram tàm cau yoan, tơnơ\ hơ\ rê den he tam gơl bơh lơh kòi sre tus tam biăp ală bơta bơh 6,7 nam do bloh. Lài hơ\ a` ờ gi\t lơh den kal ke, ai tu\ do den neh gơtùi lơh mờ neh lơh mờng bloh.

Lơh jat nùs nhơm cau ling wa Hồ, bơdìh mờ broă lơh ngan bơtàu tơnguh lơh sa hìu bơnhă, ròng oh kòn bơsram sră tus gùng tus dà, Ya Tùng gam là dùl nă cau jơh nùs  ngan tus bal broă lơh mpồl bơtìan. Ồng sùm là cau lam lài, pơn rơ jak. Lơh jat niam ală gùng dà broă lơh bơh Đảng mờ chính sách, adat boh lam bơh Dà lơgar dê. Kơnờm bơh hơ\, Ya Tùng geh chờ hờp yal tơngi\t mờ geh ai mu\t Đảng, tơnơ\ hơ\ geh pin dờn pồ at gơnoar broă Bí thư Chi bộ thôn.

Ờ mìng g^t lơh pas mìng să tờm he in lơm gời, Ya Tùng gam sùm dong kờl, bơto pơlam broă lơh sa ai làng bol tàm [òn in mờ uă cau ling yau ndai tai. Mơkung, hòi jà tă pơgồp kes priă nàng dong kờl priă bơcri ai ală cau tàm mpồl ling yau kal ke in, lơh geh tai bơta buơn nàng khi in brồ guh bơt bơtàu rài kis pa.

 Cau ling yau là pal pin dờn lam lài làm tơl ală gah, chi hội kơnă hơđang dong kờl he in bơh broă bơsram, tìp mat lơh kuèng, ngui khoa học kỹ thuật, kung bè broă lơh. Bơh sơn rờp là nùs nhơm tam klăc bal đah ală oh mi, cau ling bal, he tus bal dong kờl mờ ngai lơh broă bal, mờ bơta chài. Den, bàr pe nă oh mi ndai ờ tơl priă bơcri den he ai khi in càn ờ ai priă cồng nàng oh mi in brồ guh bal.

Jat ồng Nguyễn Danh, Chủ tịch Mpồl cau ling yau xã Próh, kơnhoàl Đơn Dương, mờ nùs nhơm bơh cau ling wa Hồ dê, cau ling yau Ya Tùng neh brồ guh sơrlèt mờ bơta r[ah, kal ke nàng bơt bơtàu gơtùi dùl rài kis pas sơm, tơnơ\ hơ\ dong uă cau ndai lik klàs r[ah, tam gơl pa rài kis. Do là dùl krơh niam pơnrơ jak ngan geh Mpồl cau ling yau xã, kơnhoàl đơs niam uă ngan mờ jờng rơ.

Bi Ya Tùng là cau sùm dong kờl bal, dong kờl oh mi brồ guh drờm bal mờ bi hơ\. Bi Ya Tùng sùm tìp mat bal nàng cribơyai bè uă gah broă mpồl bơtìan, lơh sa, lơngap lơngai chính trị tàm [òn lơgar, sùm g^t loh broă tàm [òn lơgar mờ kung ai uă broă lơh bơh Mpồl dê lơh geh cồng nha niam.

Mờ bơta nhap nhar mờ lơh ngan brồ guh lik klàs r[ah, cau ling wa Hồ Ya Tùng neh dờp geh uă bằng khen bơh ală cấp Hội mờ gơnoar atbồ tàm [òn lơgar.  

Cau mblàng K’Hạnh