VOV4.K’ho-  Neh mờr 80 sơnam, mơya cau ling yau Hoàng Ngọc Lự, ờm tàm khối phố 01, trị trấn Đak Hà, kơnhoàl Đak Hà, càr Kon Tum, kung gam lơh ngan tus bal ală srơh bơh tiah do dê lam lơh, ngan là broă gàr kơ\ kơl jap ờ do ờ dă mpồl bơtìan tàm tiah làng bol ơm kis. Đơs tus cau ling yau do, làng bol tàm tổ dân phố ndrờm ai ồng in nùs nhơm kờ` gơboh.

Sùm ờ ru mờ uă broă mờ ală broă lơh geh sơn đan mat bal mờ ờ geh sơn đan mat, broă lơh bal, broă lơh is, ờ uă cau g^t kuang atbồ Mpồl sền gàr Tổ dân phố 01, thị trấn Đak Hà, kơnhoàl Đak Hà ồng Hoàng Ngọc Lự neh mờr 80 sơnam. Ồng Lự đơs, tàm tu\ gam kơnòm să ồng tus bal tam lơh tàm tiah tam lơh Quảng Trị bơh nam 1968 tus nam 1972, gơbàn sồt să 3 dơ\, tồn lah ờ jai geh sơm bời. Tus di tu\ ơm rlô kra ală bơta sồt să tàm să jan ồng bal mờ sơnơm khih diôxin lơh să jan ồng dê ờ gam pràn uă tai.

Bulah bè hơ\, ông sùm kơlôi să tờm he là cau ling wa Hồ den pal kis chờ hờp, kis geh kuơ mờ mpồl bơtìan. Hơ\ là jơnau tờm ngan mờ sùm 23 nam do, ồng tryang tryồng, jơh nùs tus bal broă sền gàr lơngap lơngai tiah ơm kis [òn lơgar mờ jơnau đơs 02 ờ: ờ ơm rlô dùl ngai lơi mờ ờ go\ ờ lơh khat dùl kơnòl broă lơi geh jàu. Ồng Hoàng Ngọc Lự đơs bè do:

Bulah neh dờng sơnam, ờ gam pràn tai, neh ơm rlô mơya kơnòl broă să tờm a` kờ` pal lơh. Tài bơh bơta pin dờn bơh Chi bộ mờ gùt làng bol kờ` mờ broă lơh a` dê mờ a` lơh ngan bơsram, lơh jat nùs nhơm, rài kis mờ broă lơh jak Hồ Chí Minh dê. Pal sền go\ lài là kal ke uă ngan mờ geh ală tu\ lơh ală broă kal ke uă rlau tai, mơya să tờm a` sền go\ is broă lơh he dê pơgồp dùl bơnah ai broă lơngap lơngai gùt làng bol in. Den tàng bè hơ\, tàm 23 nam do a` lơh broă do sùm, ờ tu\ lơi ơm rlô dùl nam lơi tus tu\ do tơn.

Tus bal gàr niam ờ do ờ dă  tiah he ơm kis, sùm 23 nam do cau ling yau Hoàng Ngọc Lự ờ ngòt bòl glar kal ke, bulah ngai ha là mang lơh ngan bal mờ oh mi, cau tàm mpồl bal lơh jat niam kơnòl broă. Sền go\ gơnoar broă là cau geh Đảng, cau ling yau, ồng Hoàng Ngọc Lự sùm sền dờng màng, iăt jơnau tă pơgồp làng bol tàm tổ dân phố dê. Bơh broă lơh rềp mềl mờ làng bol den ồng đơs geh làng bol pin dờn ngan, làng bol iăt den bơh hơ\ làng bol g^t wă, dong să tờm ồng mờ Mpồl sền gàr [òn lơh gơs niam kơnòl broă.

G^t nđờ jơt nam do, khối phố 01, thị trấn Đak Hà sùm là [òn lam lài tàm kơnhoàl tàm broă gàr niam ờ do ờ dă mờ lơngap lơngai. Đơs bè cau ling yau Hoàng Ngọc Lự, ồng Hồ Xuân Bình, dùl nă làng bol tàm tiah do dê pà g^t:

A` là dùl nă cau kis tàm tiah do, kis bal mờ ồng Lự rềp hìu tơn, sền go\ ồng Lự là cau neh dờng sơnam mơya jak ngan. Drơng broă làng bol tàm do niam ngan, ngan là broă lơh lơngap lơngai tàm do là niam ngan. Làng bol tàm do ờ hềt geh cau lơi geh jơnau ờ suk ơm lơi. Ngai mờ mang kơno geh broă lơi den ồng geh mat tơn. Do là dùl krơh niam bol a` go\ pơn rơ jak ngan ai broă lơh cau dờng sơnam in gơ wèt mờ jơh bal thị trấn do dê. Ồng Lự là cau geh nùs nhơm bơceh pa, jơh nùs mờ gơ rờm bal mờ làng bol, rềp mềr mờ làng bol, g^t jơh ală broă lơh tàm làng bol.

Ồng Võ Anh, Phó Kuang atbồ Mpồl sền gàr [òn, khối phố 01, thị trấn Đak Hà, kơnhoàl Đak Hà đơs bè cau Kuang atbồ neh 23 nam do tàm broă lơh sền gàr lơngap lơngai ai [òn ơm kis in bè do:

Wa Lự neh dờng sơnam mơya tu\ do wa kung gam at gơnoar broă Kuang atbồ Mpồl sền gàr [òn. Wa tus bal uă ngan tàm srơh sền gàr Dà lơgar tàm ală broă bơh thôn, [òn. Bơta jak chài bơh wa dê den să tờm a` tàm mpồl sền gàr go\ să tờm wa dê lơbơn niam ngan. Jơh ală broă wa jơh nùs lơh bal. Tu\ do neh dờng sơnam, wa kung gam sùm tus bal niam ngan.

Bal mờ broă lơh ngan tus bal srơh gùt làng bol sền gàr lơngap lơngai Dà lơgar tàm tiah làng bol ơm kis, cau ling yau Hoàng Ngọc Lự gam là krơh niam pơn rơ jak tàm srơh lơh broă sa. Neh mờr 80 sơnam, ồng gam tryang tryồng tam phan, ròng phan, lơh geh priă ai hìu bơnhă in bơh 400 tus 500 tơlak priă pah nam. Kơnờm sơngka sền gàr niam, mìng is 3.800 tờm kơphe nam pa do hìu bơnhă ồng Lự dê lơh geh 300 tơlak priă.

Broă lơh sa jak bơh ồng dê là ờ ngòt kal ke g^t ngui khoa học kỹ thuật tàm broă lơh mờ sùm tryang tryồng mờ kơ\ nùs. Broă lơh ồng dê tàm broă lơh sa là bơta lơh gơdan ai uă hìu bơnhă làng bol in, ngan là ală ùr bơklau kơnòm să in bơsram lơh jat.

Đơs bè cau ling yau Hoàng Ngọc Lự, ồng Thái Văn Khôi, Phó Chủ tịch Mpồl cau ling yau kơnhoàl Đak Hà pà g^t:

Gơ wèt mờ ồng Hoàng Ngọc Lự, bơsram, lơh jat krơh niam bơh nùs nhơm, rài kis  mờ broă lơh jak Hồ Chí Minh dê, ồng Lự sùm tơnguh nùs nhơm kơnòl broă, khin kơlôi khin lơh, khin kong kơnòl broă tềng đap tơl kơnòl broă geh jàu. Dơ\ bàr là ồng sùm lơh jat nùs nhơm, tơnguh nùs nhơm bơhìan yau, ơnà jak Cau ling wa Hồ dê neh lơh là lơh tus gùng tus dà, tơl kơnòl broă geh jàu ndrờm lơh gơs niam jơh.

Bal mờ ală bơta tă pơgồp sùm ai mpồl ling in, gơnoar atbồ mờ làng bol tàm tiah ơm kis he dê, cau ling yau Hoàng Ngọc Lự, chờ hờp ngan geh Chủ tịch lơgar pà Huân chương kháng chiến khà 2 tàm nam 1999. Tàm tơngai lơh broă tàm mpồl ling bơh nam 1960 tus nam 1978, geh Bộ Quốc phòng pà phan jờng rơ Huân huy chương khà dùl, bàr, pe.

Pa do gơ wèt mờ ală bơta tă pơgồp bơh să tờm ồng dê tàm broă gàr niam lơngap lơngai tiah ơm kis, cau ling yau Hoàng Ngọc Lự chờ hờp ngan geh Bộ Kuang àng pà kỷ niệm chương “ Sền gàr lơngap lơngai dà lơgar”. Lơh jat bơhìan cau ling wa Hồ, tàm sơnam mờr 80, ồng Lự gam tryang tryồng lam lài tàm ală srơh tàm [òn lơgar, gam lơh ngan bơsram tàp, lơh jat nùs nhơm, rài kis broă lơh mờ bồ tơngoh jak Hồ Chí Minh dê, di pal mờ bơta pin dờn kờ` gơboh bơh Đảng mờ làng bol dê.

Cau mblàng K’Hạnh