VOV4.K’ho-  Sơrlèt gan uă bơta bòl glar kal ke, geh  bơsram tàp  tàm tiah lòt ling, cau ling yau Phạm Đức Triển, ơm tàm sơnah [òn Nghĩ Phú, thị xã Gia Nghĩa, càr Dak Nông sùm lơh jat nùs nhơm niam bơne\ cau ling wa Hồ dê. Ờ mìng jak tàm broă lơh sa; priă lơh geh pah nam mờr 1 tơmàn, mờ ồng gam dong kờl cau tàm mpồl bal, brồ guh tàm rài kis

Bơh [òn tờm Hà Tĩnh mut ơm kis tàm càr Dak Nông neh rlau 30 nam do, cau ling yau Phạm Đức Triển, ơm tàm sơnah [òn Nghĩa Phú, thị xã Gia Nghĩa neh sơrlèt gan kal ke, bal mờ hìu bơnhă bơtàu tơnguh lơh sa. Tus tu\ do, hìu bơnhă ồng dê neh geh rlau 6 lồ chi tam, tàm hơ\ geh kơphe, điều mờ 1 tơnau ròng ka. Kơnờm jơh nùs tus bal tàm ală cơl du\ tàm jàu khoa học kỹ thuật, tơriang tryồng lơh broă den suơn chi hìu bơnhă ồng sùm geh tơnhào uă. Bal mờ broă tam pa wơl 2 lồ kơphê  neh kra  mờ sơn tìl pa ai tơnhào uă, ồng neh tam bơrlu\ bal mờ bơ booth, sầu riêng Thái Lan, lơh geh mờr 1 tơmàn priă pah nam:

 “Go\ tàm [òn tờm rài kis kal ke uă, bơta pràn bè ù tiah lơh sa tàm càr Dak Nông dê uă ngan, ai  roh dà kơl hề nàng lơh den là hoàc huơr ngan, bơh hơ\ den 2 nă ùr bơklau cribơyai bal mờ mut lơh mờ bơt bơtàu lơh sa tàm tiah do. Bơh sơn rờp den kung bòl glar ngan, ờ di là geh mơ tơn ờ. A` lòt ling rê den a` geh jơnau bơsram mờ tơriang tơryồng lơh broă, sơr lèt gan kal ke tềm pềr hời rơ hời”

Bal mờ broă gròi sền bơtàu tơnguh lơh sa hìu bơnhă, ồng Triển gam sùm tam pà bal mờ cau tàm mpồl ndai bè broă ngui bơta chài khoa học kỹ thuật tàm broă ròng phan, tam phan. Gơ wèt mờ ală hìu bơnhă kal ke, den ồng dong kờl mờ broă ai càn priă bơcri lơh sa ờ sa priă cồng. Mơ ồng kung sùm jơh nùs tus bal tàm ală srơh, broă lơh, ngan là broă kis g^t jơnau g^t adat tàm tiah làng bol ơm kis.

Bơsram mờ lơh jat jơnau Bác Hồ  bơto bơtê, cau ling yau Phạm Đức Triển sùm kơlôi là pal tơriang tơryồng lơh broă, tềm pềr tàm broă ngui sa. Lơh jat nùs nhơm tam klăc bal, ồng jơh nùs dong kờl oh mi, cau tàm mpồl bal, làng bol tàm ală tu\ kal ke. Ồng ai uă oh mi, cau tàm mpồl bal càn priă bơcri lơh sa ờ sa priă cồng nàng ròng kơnrồ; dong cau tàm mpồl priă lơh hìu, halà priă gơ rềng tus bơcri lơh sa… Cau ling yau Hà Thị Xuân, ơm tàm sơnah [òn Nghĩa Phú, là cau geh ồng Triển dong kờl yal wơl:

“A` lơh hìu do kung ờ geh tơl priă sơl, wa Triển (hơ\ là cau ling yau Triển) sồr là, `chi bi ờ lơh rơkàng hìu, den a` đơs là neh jơh priă ờ gam priă nàng lơh rơkàng hìu tai. Hơ\ sồng wa Triển sồr a` là lòt lùp pơ ùr ồng dê sền priă rcang `ô bau kòn klau den ai càn tu\ bơyai lơh `ô bau hơ\sồng dờp wơl. Bơtoah ngan mơi wa ai càn hơ\ sồng geh lơh rơkàng hìu. Wa Triển kis niam ngan mờ làng bol tàm [òn, geh bơta lơi den là dong kờl. Hìu bơnhă kung kal ke, ơm rềp bal den oh mi dong kờl bal là niam ngan.

Cau ling yau Đức Triển sơngka sền gàr suơn chi

Ồng Đào Quang Cảnh, Phó chủ tịch Mpồl cau ling yau thị xã Gia Nghĩa pà g^t, ờ mìng lơh sa jak, cau ling yau Phạm Đức Triển gam là cau tàm mpồl jak chài ngan, lam lài tàm broă mpồl dê, jơh nùs tă pơgồp bơt bơtàu [òn lơgar, dong kờl bal tàm tu\ kal ke. Uă nam sùm ồng geh UBND thị xã Gia Nghĩa jờng rơ tài geh cồng nha jak tàm srơh cau ling yau dong kờl bal tơrmù r[ah mờ lơh sa jak.

“Ală cau ling yau tu\ lơh sa jak, geh broă lơh sa kơ\ kơl jap den sùm dong kờl ai oh mi, cau tàm mpồl bal in càn priă ờ sa priă cồng, ồng Triển neh dong kờl ai ờ uă oh mi, cau tàm mpồl bal pơrjum tàm chi hội, mờ gam ai cau tàm chi hội ndai càn tai. Bol a` cau kuang bàng sền go\ bè hơ\ den chờ hờp ngan, pơn jờng bal lơh mbè lơi gàr kơ\ srơh, rề ơnàng srơh bơh sơnah [òn do tus sơnah [òn ndai, bơh tổ dân phố do tus tổ dân phố ndai”

Bal mờ bơta tơriang tơryồng, nhap nhar, uă nam sùm, hìu bơnhă cau ling yau Phạm Đức Triển geh Hội  cau lơh broa\ sa ală cấp jờng rơ tài geh cồng nha tàm srơh lơh sa, kă bro jak. Lơh jat nùs nhơm niam bơne\ bơh cau ling wa Hồ dê, lơh ngan tus bal broă lơh tàm mpồl, mờ nùs nhơm tam klăc bal, geh nùs nhơm kờ` gơboh dong kờl bal, cau ling yau Phạm Đức Triển gơ gơs là cau pơnrơ jak nàng cau tàm mpồl bal in lơh jat bal.

Cau mblàng K’ Hạnh