VOV4.K’ho- Tam pà bal kal ke mờ làng bol gam gơtìp wàng se mờ mpồl lơh broă gam lơh kơnòl broă tàm tiah tờm gơbàn kòp ƀòn dờng Hồ Chí Minh mờ ală càr Bình Dương, Đồng Nai, ală ngai do, làm gùt ală tiah tàm càr Dak Nông, ală mpồl lơh broă dong kờl is tài mpồl bơtiàn bal mờ ală cau geh nùs nhơm niam mờ làng bol ală jơi bơtiàn kòn cau neh tơrgùm, pơndiang git nđờ rhiang tấn biap, kơnuh, plai đo pơyua pà mờ bơta kơp kờñ at tê bal kơryan kòp Covid-19.

Kờp bơh ngai 23/6 tus ngai 12/7, Mpồl dong broă gah jat yàng Phờk càr Dak Nông neh tă pơgồp geh 142 tấn phan pal geh pah ngai bè phe, biap, bùm lô, prìt, pơnat, rơpual, bơ... dong làng bol tiah gơbàn kòp.

Tàm kơnhoàl Dak Glong, rlau 70 tấn kơnuh sơbê, bơ, biap neh geh ală mpồl lơh broă dong kờl is tơrgùm. Tàm kơnhoàl Dak Song mờ Tuy Đức rlau 60 tấn biap, kơnuh, plai đo mờ 6 rbô nai tap kung geh làng bol dong kờl wèt hờ tiah gơbàn kòp.

Cau mblàng K’Duẩn