VOV4.K’ho- Kơnờm khin cha tam gơl bơhiàn mờng quèng lơh sa ờs mờng bơh yau tus lơh sa sươn sre jat gùng dà ngui công nghệ cao, uă cau kòn cau tàm càr Lâm Đồng neh lơh ngan gơ gơs là cau lơh broă sa pas sơm.

Ală broă tam biăp, bơkàu ngui bơta jak chài pa lơh geh cồng nha lơh sa uă neh pơgồp bơnah tam gơl bơta kơlôi sơnơng, broă lơh bơh làng bol kòn cau dê, pờ tơlik gùng dà bơtàu tơnguh lơh broă sa sươn sre kơ\ kơl jăp jo\ jòng tàm tiah do.

Tềng đap hìu pa lơh mờ sơmang niam bơne\ ngan jơh tus dùl tơmàn priă, ồng Rơ Ông Tuyên, kis tàm [òn Đăng Kia, thị trấn Lạc Dương, kơnhoàl Lạc Dương, càr Lâm Đồng dê, chờ hờp đơs: Kơnờm bơh tam plai zơu mờ bơkàu hơ\ sồng geh do. Nam 2015, Mpồl cau lơh broă sa kơnhoàl Lạc Dương dê hòi jà tam gơl tờm chi tam, bơto pơlam ngui bơta chài lơh sa tàm pơdar jat gùng dà ngui công nghệ cao, hìu bơnhă ồng neh koh sơrbì 3 sào kơphê kra jo\ sơnam nàng ai ù tam plai zơu ngui măy moh tuh dà is.

Ồng Rơ Ông Tuyên tềng đap hìu pa lơh rlau 1 tơmàn priă mờ sươn plai zơu ngui công nghệ tuh dà pa

Bơh hơ\, kờp bal pah nam hìu bơnhă ồng lơh geh priă cồng rlau 100 tơlak. Sền go\ broă tam biăp, bơkàu ngui công nghệ cao gơlơh ờ roh uă tu\ tơngai mờ ai geh priă jền uă sùm tai, ồng Rơ Ông Tuyên gam tam gơl rơhời jơh ală bă ù 7 sào kơphê nàng lời ù tam wơl bơkàu hồng. Ồng Rơ Ông Tuyên, đơs:

“Tam kơphê den gơtìp tu kòp lơh aniai, mờ dùl nam hơ\ sồng geh priă jền. Ai tam phan do den ờ huan roh uă tu\ tơngai sơngka sền gàr, mờ ngai lơi kung geh lơh priă jền. Kờp bal dùl kàl lơh geh bơh 15- 30 tơlak priă. Nam tus do, a` koh kơl jơh kơphê nàng ai ù tam bơkàu ”.

Bal mờ broă ngui công nghệ cao lơh sa jak chài pa, uă hìu bơnhă làng bol kòn cau tàm kơnhoàl Lạc Dương gam sơrbac mhar ngan gi\t jơnau kờ` ngui sa tàm drà, lơh bal mờ gơ\p lơh biăp, bơkàu jat sră pơrgon blơi jơh bơh ală mpồl lơh sa kă bro dê.

Ồng Kră Ja` Wơr, kis tàm [òn Đăng Kia, mờ ồng Cil Philip, kis tàm [òn B’Nơr C, thị trấn Lạc Dương neh lơh broă bal tam gơl rlau 5 sào ù lơh kơphê nàng ai ù tam biăp bắp sú mờ bơkàu hồng. Bàr nă ồng neh ki\ sră pơrgon mờ đại lý blơi jơh phan lơh jat bal mờ khà priă là 5 rbô đong dùl ki\ biăp bắp sú mờ 1000 đong dùl ntê bơkàu hồng.

Sươn bơkàu hồng tàm hìu krơh bơh ồng Kră Ja` Wơr dê

Mờ priă tăc ờ tam gơl bè do, pah nam ồng Kră Ja` Wơr lơh geh priă cồng mờr 300 tơlak, ai ồng Cil Philip den kung geh priă cồng rlau 120 tơlak sơl. Ồng Cil Philip, đơs bè do:

“Lài do, bol a` ờ go\ geh cau bơto pơlam den tàng cồng nha lơh geh bơh broă lơh biăp là dùl êt lơm. Tu\ do, bol a` neh geh cau bơto pơlam den tàng cồng nha lơh geh bơh lơh biăp là uă ngan mờ dùl nam den bol a` gơtùi tam geh 3 kàl tơn.

Lơh biăp tu\ do neh jat bơta jak chài pa, den tàng lơh geh cồng nha uă di bè jơnau mờ he kơ\p kờ`. A` kơ\p kờ` là làng bol kung gi\t đòm jat bơta jak chài pa nàng broă lơh sa lơh geh cồng nha uă mờ rài kis den ngai sơlơ hờm ram bơtàu tơnguh rlau tai”.

Bơta chờ hờp bơh ồng Cil Philip dê kềng sươn biăp bắp sú geh tuh dà is

Ală broă lơh sa sươn sre ai cồng nha lơh sa uă neh gơ gơs anih hơ pơrgon bal ai ală hìu bơnhă làng bol kòn cau tàm tiah do in tus lòt còp sền mờ đòm jat lơh uă. Tu\ do, kơnhoàl Lạc Dương geh 4 rbô hìu làng bol lơh bal lơh sa sươn sre ngui cồng nghệ cao, tàm hơ\ geh pơgăp 250 hìu bơnhă làng bol kòn cau, bal mờ priă lơh geh kờp bal pah nam là bơh 100 tơlak 150 tơlak.

Mpồl cau lơh broă sa kơnhoàl Lạc Dương gam pơn jat tai lơh pràn mblàng yal, hòi jà làng bol tam gơl tờm chi tam, mơkung pờ uă ơdu\ bơto pơlam ngui công nghệ, jòi cau lơh broă bal mờ dong kờl priă ai cau lơh broă sa ngui công nghệ cao in tàm broă lơh sa. Ồng Nguyễn Hồng Thủy, Kuang atbồ Mpồl cau lơh broă sa kơnhoàl Lạc Dương, pà gi\t:

“Kơnhoàl gam geh gùng dà bơ\t bơtàu tổ hợp tác, tổ lơh bal mờ ală mpồl lơh sa kă bro blơi jơh phan lơh geh nàng geh sùm drà kă bro. Bơh lơh bal kă bro, cau lơh broă sa sền go\ geh bơta kuơ bè drà kă bro den uă cau neh jơh nùs lơh bal. Pah nam, dilah cau tàm mpồl cau lơh broă sa cau lơi kung khin cha lơm dan lơh broă pa, den kơnhoàl geh dong kờl tai ai cau lơh broă sa in càn priă nàng bơcri tàm broă lơh sa”.

Ngai sơlơ geh uă broă lơh sa sươn sre ngui công nghệ cao tàm [òn kòn cau tàm càr Lâm Đồng

Ồng Dà Cat Vinh, Kuang atbồ Mpồl cau lơh broă sa càr Lâm Đồng, pà gi\t, broă bơtàu tơnguh lơh broă sa sươn sre ngui công nghệ cao tàm càr tàm tơngai lài neh lơh geh uă cồng nha niam ngan. Tu\ do, jơh gùt càr geh 11 rbô lồ ù lơh sa lơh geh priă jền rlau 500 tơlak pah nam tàm dùl lồ.

Tàm hơ\, rlau 700 lồ ù lơh sa geh pah nam bơh dùl tus pe tơmàn priă. Neh geh 971 mpồl cau mờ hìu làng bol lơh broă sa geh pà sră cơng tàng VietGap, GlobalGap, Organic mờ 2500 lồ ù. Bulah bè hơ\, sền wơl den lơh broă sa sươn sre công nghệ cao kung gam lơh dềt mờ rah rài sơl, ờ hềt geh uă broă lơh bal tàm bă ù dờng.

Nàng dong cau lơh broă sa iang nùs bơcri priă ngui công nghệ cao tàm broă lơh sa sươn sre dùl bă kơ\ kơl jăp jo\ jòng, ồng Dà Cat Vinh đơs là, gùt lơgar mờ mpồl lơh sa kă bro kờ` pal geh ală broă rơndăp lơh dipal nàng sền gàr cau lơh broă sa tềng đap ală jơnau pơhìn gơtìp aniai hoàc hươr bè trồ tiah mờ khà priă. Ồng Dà Cat Vinh, đơs:

“Jat a` den broă sền gàr rềs àr ai ală hìu làng bol lơh sa sươn sre cồng nghệ cao in tu\ do là kờ` ngan nàng sền gàr khi tu\ geh bơta aniai hoàc hươr. Mờ dà lơgar kung kờ` pal geh rơndăp ù tiah loh làng mờ pal gròi sền bè bă ù.

Bơta mat kă bro kung kờ` pal kơlôi tus sơl ai ală bơta phan lơh gơs bơh sươn sre geh lơh tàm càr Lâm Đồng. Nàng lơh bè lơi kơ\ kơl jăp jo\ jòng geh phan bơna bơh tàm tu\ lơh tus tu\ tăc mờ mat kă bro bơh he dê yal tơngi\t geh tàm gùt dunia”.

Cau cih mờ yal tơngi\t- Lơ Mu K’ Yến