VOV4.K’ho - Càr Dăk Lăk tŭ do geh rơlao 10 rơbô mpồl lơh sa kă bro gam lơh broă, mìng là mpồl lơh sa kă bro di mơ mờ dềt. Kờñ dong kờl ală mpồl lơh sa kă bro, Tỉnh uỷ Dăk Lăk neh tơlik kơrnoăt bè tam gơl số tơngai bơh tŭ do tus nam 2025, wèt tus nam 2030.

Kơnờm mờ tam gơl sồ, uă mpồl lơh sa kă bro tàm càr Dăk Lăk neh tơmù uă cau lơh broă mờ gam geh cồng nha broă kă bro

Càr ai tơngu me tus nam 2025 geh di pơgăp 60% mpồl lơh sa kă bro di mơ mờ dềt bơyai lơh sa kă bro tàm ală broă lơh sa kă bro điện tử; Khà priă kă bro điện tử gơguh pah nam 10%. Kờñ lơh geh khà do, càr Dăk Lăk kờp dŭ tă rơlao 1 tơmàn 800 tơlăk đong tàm 5 nam bơcri priă ai gah tam gơl sồ mờ tơnguh bơtàu broă kă bro điện tử in. Tàm hơ̆ geh bal broă chồl pràn tam gơl số tàm ală mpồl lơh sa kă bro; tơnguh bơtàu ală broă kă bro điện tử nàng tơl niam broă pơgồp bal broă tăc mờ blơi, tàm hơ̆ uă ngan là khà phan geh lơh bơh broă lơh sa suơn sre, nhơl chờ, lơh sa mờ măi mŏk dềt tàm internet. Ai lài broă tam gơl số tàm ală gah broă: lơh sa suơn sre, bơto bơtê, lơh sơnơm, gùng lòt mờ pơn diang phan bal mờ logistic, lơh sa mờ măi mŏk mờ năng lượng, phan geh is mờ tiah kis, priă jền-ngân hàng mờ nhơl chờ.

Cau mblàng Ndong Brawl