VOV4.K’ho- Sùm tàm 40 nam do, mò K’Hiếu ơm tàm tổ dân phố Xoan, thị trấn Đinh Văn, kơnhoàl Lâm Hà, càr Lâm Đồng neh pờ ơnàng goàng tê wa\ rò 9 nă kòn dềt kòn đời, kue\t kơltê cèng rê ròng siam mờ sền gàr. Nùs nhơm lơbơn niam, wa\ wờng bal mờ ală rài kis bòl glar kal ke bơh cau mè K’ho ờ hềt dùl dơ\ lơi deh kòn ngan là pal geh sền dờng màng ngan.

Hìu lơh mờ mpàn neh klàr ngan tàm gùng dềt tàm tổ dân phố Xoan, thị trấn Đinh Văn, kơnhoàl Lâm Hà, càr Lâm Đồng bơh hìu bơnhă mò K’Hiếu dê tàm sùm 40 nam do ờ hềt geh tu\ lơi jơh kơno săp ntas `o\ bơnồr bơh ală kơnòm dềt ờ bơtuah bơtoài tàm rài kis dê. Do là hìu nùs nhơm mờ cau mè kòn đời K’Hiếu neh 60 sơnam lời ai 9 nă kòn ròng he dê. Oh K’Lực, cau kòn dơ\ 6 tàm hìu bơnhă krơi is ngan do, pà git, bulah ală oh mi ờ go\ di bơh mè K’Hiếu deh mơya jơh ală sùm tàm kờ` gơboh, tàm jơm glòm bal bè oh mi pròc mhàm tờm sơl.

Oh K’Lực, đơs: Nùs nhơm mè bèp ròng lơi ai oh in gam uă rlau mờ nùs nhơm mè bèp tờm deh dê. Oh mi bơh dềt tus dờng sùm dờ` bơr mè bèp dê, tam klac tàm kờ` gơboh bal. Ưn ngài mè bèp neh tò tê ròng siam sền gàr bol kòn tus dờng, gơ gơs kòn bơnus, geh lòt bơsram, geh sàu sa bè ală hìu bơnhă ndai sơl.

Mò K’Hiếu yal, ală kơnòm kòn đời gơtìp lời sang là rùp să bơh să tờm mò dê pơgăp mờ do rlau 50 nam. Jăt bơhiàn bơh cau kòn cau tàm Tây Nguyên dê, dilah pơ ùr chơ\t gờ`, cau bơklau dô rê wơl hờ hìu mè bèp tờm dê, lời sang wơl jơh ală phan bơna, jơtài mờ oh kòn ai jơi nòi đah pơ ùr in. Tu\ mò pa dờng 7 sơnam, mè ờ bơtuah chơ\t. Cau bèp neh lời sơrbì wơl mò tàm dùl nơm hìu ngềt ngơ\t ngan cau.

Ală nhai ngai ơm kis ờ geh mè ờ geh bèp, mò K’Hiếu lòt gơlềng gơlàng làm [òn, sền gàr kòn dềt ai cau ndai in nàng pơgơl mờ dùl bơngàn pòr, dùl nơm bùm. Tu\ dờng rlau, mò lòt lơh broă apah làm gùt ală [òn tô, [òn đah đơm. Sền go\ 3 nă oh mờ mi K’Len, K’Lễ, K’Hiểu gơtìp cau bèp lời sơrbì tơnơ\ tu\ mè chơ\t, ùr ơruh pa dờng K’Hiếu neh lam 3 nă oh dềt do rê hờ hìu he dê nàng ròng siam sền gàr. Hơ\ sồng hời rơhời 6 nă oh dềt ndai gơtìp mè bèp lời săng kung geh mìu dờp rò ròng siam sền gàr sơl.

Mò K’Hiếu yal: Pah tu\ sền go\ ală oh gơtìp lời sang là ờ jai ngan kong tàm nùs, den dan ròng tai bulah să tờm kal ke ngan. Mò K’Hiếu đơs: A` tu\ gam dềt kung kis is dùl nă să sơl, ờ geh cau pròc mhàm ơm rềp bal mờ a`. Den tàng tu\ sền go\ bol kòn se gơtìp lời săng bè hơ\ a` gơlơh jê nùs ngan. Den tàng bè hơ\ mờ a` dan rê ròng mờ ờ go\ kơlôi sơnơng tus bơta kal ke. A` mìng kơlôi là să tờm a` pal `ă ntàu ala mat lơh mè ai ală oh dềt in geh anih kơldìng.

Sền go\ K’Hiếu dùl nă să kơlôi rcăng ai bol kơnòm in, klau pơnu K’Déo ơm dùl [òn bal geh nùs kờ` gơboh. Bulah gơtìp mè bèp ờ bài ai ngan, mơya K’Déo neh lơh ngan sơrlèt gan adat bơhiàn yau ờ niam, rê ơm kis bal dùl hìu mờ ùr ơruh kòn đời, nàng sền gàr bal ală kòn ròng.

Ồng K’Déo yal, mò K’Hiếu gơtìp kòp den tàng ờ gơtùi deh kòn. Mơya, ùr bơklau ồng chờ hờp tài bơh neh geh tus 9 nă kòn ơm kis lềr wềl bal. Ồng chờ hờp đơs bè do: Bulah a` ờ go\ deh khi mơya a` kung gam kờ` sơl bol khi bè kòn tờm deh a` sơl. Lài do r[ah lơ ời kal ke ngan ờ geh dà toh nàng ròng bol khi, ùr bơklau a` pal tăc prìt, tăc phe, tăc phan do phan ne nàng geh priă blơi dà toh kòn in. Tu\ do, bol kòn jơh dờng, tơngơs hìu bơnhă, a` kung chờ hờp, chờ hờp ngan.

Tàm 9 nă kòn, tu\ do 6 nă kòn neh geh mò K’Hiếu tơn bau mơ. Dùl nă ờ bơtuah gơtìp kòp mờ chơ\t. Tu\ do, gam 2 nă kòn klau kue\t kơltê, dùl nă gơtìp lè măt, dùl nă gơtìp sơnrang, gam geh ùr bơklau mò ròng siam sền gàr pah ngai. Ală kòn mò dê neh geh hìu bơnhă is mơya kung gam sùm tàm kờ` gơboh bal, tàm ròng tàm siam bal bàr nă oh hền ờ bơtuah bơtoài.

Jăt ồng Nguyễn Thái Duy, Kuang atbồ Ủy ban Mặt trận dà lơgar Việt Nam thị trấn Đinh Văn, kơnhoàl Lâm Hà, càr Lâm Đông dê yal, mò K’Hiếu ờ mìng là cau mè lơbơn niam, mờ gam là krơh àng sơrlèt gan ală adat bơhiàn yau ờ niam tai tàm [òn làng bol kòn cau. Tu\ do, mò lơh kuang atbồ mpồl lơh broă mặt trận thôn, lam lài broă mblàng yal làng bol kòn cau K’ho in sang te\ ală adat bơhiàn yau ờ gam niam tai, jơh nùs tus bal bơ\t bơtàu tiah drà ngac ngar jak chài.

Ồng Nguyễn Thái Duy, Kuang atbồ Ủy ban Mặt trận dà lơgar Việt Nam thị trấn Đinh Văn, kơnhoàl Lâm Hà, càr Lâm Đông dê yal: Lài do, tiah làng bol kòn cau, broă `ô bau sùm lơh jo\ jòng ngan, mơya mò K’Hiếu sùm lam lài mblàng yal hòi jà làng bol `ô bau ờ go\ di pơhì pơhà. Broă ies tơ\p [ồc cau chơ\t ờ go\ di lời jo\ ir, jăt bơhiàn bơh khi dê là lời bơh 4 tus 5 ngai, mơya tu\ do den mìng 36 jiơ lơm là làng bol neh lòt tơ\p. Tu\ hìu bơnhă lơi geh oh kòn lòt lơh kơnòl broă ling klàng halà geh broă lơi den mò K’Hiếu sùm lòt còp, pơndờm pơnđiang nùs nhơm nàng oh kòn in lơh niam kơnòl broă geh jàu.

Mờ ală tă pơgồp ai mpồl bơtiàn in, mò K’Hiếu neh chờ hờp geh Đảng, Dà lơgar jàu pà uă ngan phan jờng kuơmàng. Mơya bơta chờ hờp dờng ngan rlau jơh mò dê là dong 9 nă kòn dềt ờ gơtìp kòn đời tài bơh adat bơhiàn yau ờ gam niam tai, mờ phan jờng dờng ngan rlau là ală kòn neh dờng, gơlik jak chài, mò geh tai ală sau, ală sơne nàng ròng siam sền gàr.

Cau mblàng Lơ Mu K’Yến