VOV4.K’ho – Kờ` drơng ngai sơlơ niam rlau tai tàm broă dong kờl cau ngui đèng, Kong ti ồs đèng Daklak neh mut lơh uă broă drơng ala lơh broă bal, sền gròi cau ngui đèng tàm internet tơn. Kong ti ồs đèng Daklak tu\ do gam atbồ mờ tac đèng rlau 517 rbô nă cau ngui đèng tàm gùt càr in, tàm hơ\ geh rlau 454 rbô nă cau ngui đèng drơng tàm rài kis mờ rlau 63 rbô nă cau ngui đèng bơdĩh mờ jơnau kờ` drơng tàm rài kis.

Kờ` ai geh bơta [uơn cau ngui đèng in, Kong ti ồs đèng Daklak neh mut lơh uă broă drơng ala bè: bơt bơtàu ứng dụng sền gròi cau ngui đèng tàm điện thoại at tê pa, tơm priă đèng bơh thẻ ngân hàng; hơ tơn tàm internet ală jơnau lùp bơh cau ngui đèng dê bơh Trung tâm sền gròi cau ngui đèng mờ sồ điện thoại 1900. 1909 halà tàm pang internet sền gròi cau ngui đèng, cih mat tơn tàm anih broă drơng ala hành chính lơh broă tàm internet bơh càr Daklak dê.

Ồng Lê Hoài Nhơn, Phó Kuang atbồ Kong ti ồs đèng Daklak pà git, kong ti neh mờ gam sơlơ mut lơh ală bơta [uơn sền gròi cau ngui đèng nàng bơsong mhar mờ di ngan rlau jơh ală tơngume geh lùp mờ bơta kơp kờ` dipal bơh cau ngui đèng dê:

“Bol a` sền gròi uă ngan mờ đal git broă sền gròi cau ngui đèng là broă lơh tờm ngan tàm broă tac đèng tàm càr Daklak. Bol a` geh crơng gơs dùl Trung tâm sền gròi cau ngui đèng bơh Tổng kong ti ồs đèng tiah tàm gùl lơgar dê, drơng jơh ală cau ngui đèng tàm tiah tàm gùl lơgar mờ Tây Nguyên in. Mờ Trung tâm do, den cau ngui đèng gơtùi ơm tàm hìu hòi điện thoại halà dilah cau ngui đèng geh phan bơna tơrbo\ internet den gơtùi cribơyai mờ bol a` bơh internet do. Mờ ală jơnau kờ` bơh cau ngui đèng dê ndrờm geh bơsong lơm. Cau ngui đèng geh kòl yan halà ờ tơl sră nggal lơi den bol a` kung hơ mờ cau ngui đèng ală bơta mờ khi ờ hềt tơl nàng khi in bơ tơl.”

             Cau mblàng K’Duẩn