VOV4.K’ho - Drim òr (23/05), bal mờ nùs nhơm chờ bal bơh gùt lơgar dê, rơlao 427 rơbô nă cau tĕ khà bơh càr Dak Nông tàm 680 tiah đùh sră neh bơyai lơh tĕ khà kuang bàng Quốc hội khoă 15 mờ kuang bàng HĐND ală cấp tơngai bơh nam 2021 tus 2026.

                                      Làng bol lơh jăt broă tam cah ngài tŭ lòt đùh sră tĕ khà tàm càr Dak Nông

Tàm nùs nhơm chờ hờp bơh ngai chờ dà lơgar dê, tàm tiah đùh sră sồ 4, ƀòn N’Jriêng, ƀòn Bu Sop xã Dak Nia, ƀòn dờng Gia Nghĩa, rơlao 900 nă cau tĕ khà neh tus bơh gờñ nàng sơn đờm bơyai lơh tĕ khà mờ lơh jăt gơnoar làng bol bơh să tờm dê. Cau tĕ khà K’ Bơn, kis tàm ƀòn Dinh, xã Dak Nia, ƀòn dờng Gia Nghĩa đơs: “Drim do bơh 6 jơ nggùl là làng bol neh tus bal lòt tĕ khà. Làng bol kung lơh jăt nền nòn broă pơn chèo, lơh kloh vi khuẩn, ơm tam cah ngài tơl nă cau 2 thơ̆k di jăt mờ jơnau lam sồr bơh Bộ Y tế dê. Hìu nhă añ lơh jăt nền nòn tơngai bal mờ lòt tĕ khà di cau jăk chài, cau geh pin dờn”.

Cau mblàng Ndong Brawl