VOV4.K’ho- Tàm pơrjum dơ\ 5, Hội đồng Nhân dân càr Daknông kơnă III, broă geh ală kuang bàng kung bè cau te\ khà tàm do sền gròi ngan, hơ\ là kờ` pal lơh loh kơnòl bơh kuang bàng dê tàm broă lơh sổ đỏ tìs mờ kơrnoat boh lam.

Hơ jơnau lùp bơh kuang bàng Hội đồng Nhân dân càr dê,   kuang đơng lam bồ Sở Tài nguyên mờ Môi trường pà git, tàm khà 63 rbô lồ ù geh bơh ù sơgràm ù brê neh ai geh bơh ală nông, lâm trường jàu tus ală tiah in atbồ mờ rơndăp ngui, bơh kờp sền neh sền go\ rlau 3.200 lồ ù ai lài mờ tu\ geh quyết định bơh Ủy ban Nhân dân càr dê. Rlau 3.200 lồ ù do geh ai 3.100 hìu bơnhă in.

Tàm hơ\ geh 213 nă kuang bàng, công chức, viên chức lơh bal tàm ală tu\ lơh sổ đỏ ală bă ù geh ai bơh ù sơgràm ù brê tìs mờ kơrnoat boh lam. Ủy ban Nhân dân càr Daknông neh jàu Sở Tài nguyên mờ Môi trường in tơrgùm kờp, lơh sră cih mat ală cau kuang bàng, công chức, viên chức geh gơrềng tus lơh sră ngui ù tìs mờ kơrnoat boh lam nàng jun tus ală anih lơh broă geh gơnoar in sền swì, lơh glài jat di jơnau cih bơh adat boh lam dê.

Cau cih mờ yal tơngi\t- Lơ Mu K’Yến