VOV4.K’ho –  Pơrjum dơ\ 9, Quốc hội khóa 14 neh ngan ngồn mut lơh ngai òr, 20/5. Tơ nơ\ jơnau đơs mut pơrjum bơh Chủ tịch Quốc hội, mò Nguyễn Thị Kim Ngân dê, ồng Trần Thanh Mẫn, Bí thư Đảng dà lơgar, Chủ tịch Ủy ban Mặt trận dà lơgar Việt Nam neh yal jơnau yal tơr gùm jơh jơnau đơs, jơnau dan bơh cau te\ khà mờ làng bol dê. Jơnau yal pà git: Tus tu\ do, Đoàn Chủ tịch Ủy ban Mặt trận dà lơgar Việt Nam pơgồp bal mờ Ủy ban Thường vụ Quốc hội neh tơr gùm geh mờr 3 rbô 400 jơnau đơs, jơnau dan bơh cau te\ khà dê.

Cau te\ khà mờ làng bol ai tơnggo\ bơta pin dờn, đơs niam bơta đơng lam bồ bơh Đảng, dà lơgar dê, bơta lơh broă jơh nùs bơh jơh gùt mpồl lơh broă chính trị dê tàm broă lơh rơcang sơndră kòp Covid-19 pa do; sền dờng màng ală broă lơh ờ git glar bòl bơh ală mpồl rơcang sơndră kòp dê, ngan là gah lơh sơnơm, mpồl ling, kuang àng, kuang bàng tàm kấp hơ đơm.

Tàm 5 mpồl jơnau dan pơyua tus Chính phủ, Quốc hội in, pal sền gròi ngan là cau te\ khà dan Quốc hội, Chính phủ pơn jat tai đơng lam ală bộ, gah broă lơh, ală tiah bơt bơtàu, lam lơh geh cồng nha broă rơndap lơh bơtàu tơnguh lơh sa – mpồl bơtìan tàm tu\ tơngai pa, gơ jat bal mờ ală broă lơh rơcang sơndră kòp Covid-19.

Cau mblàng K’Duẩn