VOV4.K’ho – Dơ\ lùp jơnau bơh Quốc hội dê mờ Bộ trưởng Bộ Tài chính, ồng Đinh Tiến Dũng ngai òr (16/11) geh gal ngan cau te\ khà Tây Nguyên sền gròi. Bal mờ broă sơlơ tơnguh rlau tai broă atbồ dồs dà lơgar, rơcang sơndră hoàc huơr tă dia, cau te\ khà càr Gialai dan, kờ` sơlơ ai tai ală bơta dong kờl rê hờ tiah sar lơgar ngài nàng lơh gơs bơta pràn ai broă lơh tơn jơh jơgloh, tờmu r[ah in. Cau te\ khà Nay Pek, ơm tàm thị trấn Phú Túc, kơnhoàl Krông Pa, càr Gialai đơs:

“A` dan geh jơnau đơs, jơnau dan mờ dà lơgar là kờ` pal sơlơ bơcri priă, sơlơ ai tai priă bơcri rê hờ tiah sar lơgar ngài uă rlau tai. Nàng cau lơh broă sa in bơcri lơh ală broă lơh suơn dờng, tam gơl ală chi tam, phan ròng. Dơ\ 2 là bơ to broă lơh ai ală tiah làng bol kòn cau in nàng gơtùi tơn jơh jơgloh, gơtùi tơmù r[ah mhar mờ kơ\ kơljap.”

Cau te\ khà Nguyễn Thanh Quang, ơm tàm sơnah [òn Nghĩa Đức, thị xã Gia Nghĩa, càr Daknông geh jơnau đơs: Băng:

“Ală kuang bàng Quốc hội kung bè Quốc hội neh ngan ngồn sền gròi đơs ală bơta mờ cau te\ khà gam sền gròi. Kuơ màng tàm gah priă jền mờ ngân hàng tàm tơngai pa do, den cau te\ khà kơ lôi rơcang ngan rlau jơh là bơta dồs dà lơgar mờ bơta ai priă jền bè lơi gơ in dipal, gàr niam bơtàu tơnguh lơh sa mpồl bơtìan dipal rlau.

Pleh bơta tàm tơngai lài, bol he bơcri priă rah rài, geh uă broă lơh ờ lơh jơh. Ndrờm bè ală broă lơh mờ ală kuang bàng Quốc hội đơs ndrờm cèng bơta gơtùi lơh ngan ngồn mờ geh kơ nòl uă tus mờ dà lơgar, mờ jơi bơtiàn, cau te\ khà niam nùs ngan. Ală bơta kơlôi rơcang bè priă jền, ngân hàng, dồs dà lơgar tàm tơngai tus geh mhar lơh niam, rài lơh sa dà lơgar he dê geh bơtàu tơnguh niam rlau, nùs nhơm bol he mut tàm bơta gơ rờm bal mờ pờ mpồng kơ\ kơljap rlau.”

                                                                       Cau cih mờ yal tơnggit K’Duẩn