VOV4.K’ho-Tơnơ\ rlau 1 nam lam lơh Rơndăp broă lơh “Dong kờl cau ùr sơnđờm mu\t lơh broă tơngai bơh nam 2017- 2025” bơh Thủ tướng Chính phủ dê, Mpồl tam klac cau ùr ală kấp tàm càr Kon Tum neh geh uă gùng dà broă lơh geh kuơ ngan pơgồp bơnah lơh pràn, mu\t lơh ngan ngồn ală jơnau kơlôi sơnơng kă bro bơh cau ùr tàm mpồl dê. Cồng nha lơh geh bơh uă broă lơh sơnđờm mu\t lơh broă krơi is neh dong cau ùr r[ah tàm mpồl, cau ùr kòn cau tàm tiah do tơnguh uă priă lơh geh mờ tam gơl rài kis.

Lồi nam 2017, broă lơh Mpồl lơh bal tam kơnuh sơnơm jriang bơh 57 nă oh mi cau ùr dê tàm 2 xã gơ wèt kal ke uă ngan Mường Hoong mờ Ngọc Linh tàm kơnhoàl Đăk Glei, càr Kon Tum geh crơng gơs. Mờ bơta dong kờl jơh nùs ngan bơh Mpồl tam klac cau ùr càr mờ kơnhoàl dê tàm broă

Ờ go\ di mìng bè hơ\ lơm, kơnờm geh bơta hơ pơrgon ngan ngồn bơh ală kấp Mpồl cau ùr dê bè anih tờm lơh gơlik mờ bơta niam, priă tăc tơl ki\ kơnuh sơnơm jriang ris bơh Mpồl lơh bal dê geh bơh 200 rbô đong rlau hơđăng, kas rlau tus dùl dơ\ mờ nggùl, geh tu\ là kas rlau bàr dơ\ pơndrờm mờ kơnuh sơnơm jriang tàm drà.

Bơh cồng nha bơh broă lơh dê, tus bồ nam 2019 do neh geh tai 47 nă oh mi cau ùr mu\t bal tàm Mpồl lơh bal do. Bă ù tam kơnuh sơnơm jriang kung geh rề ơnàng bơh bàr pe sàu gơguh tus rlau 12 lồ sơl. Bi Phạm Thị Mây, Phó Kuang atbồ Mpồl tam klac cau ùr kơnhoàl Đăk Glei đơs là, cồng nha dờng ngan bơh broă lơh do dê là neh hòi tơrgùm geh cau ùr kòn cau tàm mpồl tus bal sơnđờm mu\t lơh broă.

Bè cồng nha lơh sa den ală hìu bơnhă neh lơh jat broă lơh mờ cau kung neh geh bơtàu tơnguh bè lơh sa sơl. Hìu bơnhă lơh geh priă jền sùm rlau. Bal mờ hơ\, broă mờ Mpồl đơs niam ngan, hơ\ là jơnau gi\t wa\ bơh oh mi dê neh tam gơl. Lài do, khi kơ\p kơnờm wơl tàm bơta dong kờl bơh Dà lơgar dê mơya tus tu\ do oh mi neh rcăng dan mờ Mpồl nàng geh lơh bal broă lơh. Hơ\ là khi neh rcăng mu\t lơh bal mờ Mpồl nàng crơng gơs Mpồl lơh bal. Bal mờ hơ\, den oh mi cau ùr kung khin cha càn priă nàng bơcri bơtàu tơnguh lơh sa.

Dùl broă lơh tàm Ngai sơnđờm mu\t lơh broă nam 2019 bơh Mpồl Tam klac cau ùr càr Kon Tum dê

Geh dùl bơta ndrờm bal ngan tàm gi\t nđờ rhiang jơnau kơlôi sơnơng sơnđờm mu\t lơh broă bơh cau ùr tàm càr Kon Tum dê, hơ\ là bơta bơceh pa tàm tu\ lơh broă lơh sa. Kung mìng bơh ală chi tam, phan ròng mờng quèng sơl, oh mi cau ùr neh geh gùng dà is tơnguh uă geh priă jền phan bơna. Bi Nguyễn Thị Thùy Anh, hìu ơm tàm thôn 3, xã Đăk Mar, kơnhoàl Đăk Hà lơh geh cồng nha bơh broă tam kơphê kloh, pơr chàng is mờ tăc tàm 2 drà dờng là Nghệ An mờ [òn dờng Hồ Chí Minh.

Bi Anh pà gi\t, tu\ do bulah priă tăc kơphê gơmù uă ngan, mơya priă lơh geh bơh 8 lồ kơphê bơh hìu bơnhă bi dê mờ bàr pe nă oh mi cau ùr ndai dê ờ go\ gơtìp gơrềng mờ sơlơ\u wơl ngai sơlơ gơguh uă. Jơnau bơh tài kơphê bơh bi dê neh geh uă năc blơi phan sac rwah mờ gơ wèt mờ khi là ờ gơtùi tàm ala.

Kơphê do geh bơta bơkah lồi du\t là niam ngan. Tu\ mờ bơyô hùc bơh sơnrờp den geh dà bơtăng dùl êt ngan ờ go\ di bè ală kơphê ndai dê. Pơgăp 1 phuk tơnơ\ den bơyô geh sền go\ tàm bơr, tàm dơlam bơr gơ geh tam gơl bơh bơta bơtăng dùl êt gơ gơs wơl bơta lơngồt mờ [ồ bơkah ngan.

Tu\ sơnđờm mu\t lơh broă, jơh dùl [òn khi lah a` là cau sơnrang. Mờ cau lơh broă apah kung đơs a` là cau sơnrang sơl tài bơh kơphê a` dê a` mìng sơngka sền gàr jat gùng dà hữu cơ lơm, a` ờ go\ ơn phơng vô cơ ờ. A` kờ` tơngo\ geh kơphê hữu cơ gơ krơi mờ kơphê vô cơ là bè lơi.

Cau ùr kơnhoàl Đăk Glei yal tơngi\t phan bơna sơnđờm mu\t lơh broă

Tơnơ\ 1 nam lơh jat Rơndăp broă lơh “Dong kờl cau ùr sơnđờm mu\t lơh broă tơngai bơh nam 2017- 2025” neh geh rlau 200 nă cau ùr tàm mpồl bơh càr Kon Tum dê geh dong kờl rlau 1 tơmàn 500 tơlak priă sơnđờm mu\t lơh broă. Oh mi cau ùr kung neh khin cha càn mờr 9 tơmàn priă nàng lơh gơs ngan ngồn ală jơnau kơlôi sơnơng sơnđờm mu\t lơh broă, sơnđờm broă lơh sa kă bro.

Uă broă lơh sơnđờm mu\t lơh broă lơh geh cồng nha, bè broă mpồl lơh bal tam kơphê tiah mrềt tàm xã Măng Cành, kơnhoàl Kon Plông; broă lơh cau ùr kòn cau tam chi lơh sơnơm tàm ală xã: Mường Hoong, Ngọc Linh, Măng Ri, Ngọc Lây bơh kơnhoàl Đăk Glei mờ Tu Mơ Rông dê; broă lơh tam biăp kloh bơkah bơh cau ùr kơnhàl Đăk Tô dê…

Mò Trần Thị Phong Lan, Phó Kuang atbồ Mpồl tam klac cau ùr càr Kon Tum pà gi\t, ală kấp mpồl cau ùr geh sùm lòt bal nàng ngai sơlơ geh tai uă cau ùr tàm mpồl sơnđờm mu\t lơh broă geh cồng nha.

Ală kấp mpồl geh pơn jat tai lơh uă li la kung bè sơlơ tơnguh tai broă mblàng yal nàng tơnguh uă jơnau gi\t wa\. Pờ ală ơdu\ bơto pơlam nàng tơnguh uă bồ tơngoh jak chài ai oh mi cau ùr in tàm tu\ sac rwah jơnau kơlôi sơnơng sơnđờm mu\t lơh broă mờ geh broă rơndăp lơh gơtùi mu\t lơh ngan ngồn tàm rài kis.

Mờ ală kấp mpồl cau ùr kung geh pơn jat tai lơh niam gơnoar broă tàm tơrbo\ hòi jà bơta dong kờl bơh jơh gùt mpồl bơtiàn dê nàng dong cau ùr lơh jat ngan ngồn jơnau kơlôi sơnơng sơnđờm mu\t lơh broă, sơnđờm broă lơh sa kă bro. Jòi drà kă bro jo\ jòng blơi ală phan bơna geh bơh broă lơh sơnđờm mu\t lơh broă bơh cau ùr dê.

Cau ùr tiah sar lơgar ngài càr Kon Tum sơnđờm mu\t lơh broă bơh tờm chi lơh sơnơm

Pơn jat tai lơh jat Rơndăp broă lơh “Dong kờl cau ùr sơnđờm mu\t lơh broă tơngai bơh nam 2017- 2025” bơh Thủ tướng Chính phủ dê, nam 2019 do, Mpồl Tam klac cau ùr càr Kon Tum rwah tơngume: “Cau ùr Kon Tum mờ rài tơnơ\ do bơh rài lơh sa tơlir dê”. Di tơngkah kir sơnrai 109 nam Ngai Dunia Cau ùr 8/3 pa do, Mpồl tam klac cau ùr càr Kon Tum neh bơyai lơh Ngai cau ùr sơnđờm mu\t lơh broă nam 2019 bal mờ rlau 300 nă cau ala mat tus bal.

Di tàm dơ\ do tơn, Mpồl tam klac cau ùr càr Kon Tum neh jàu 550 tơlak priă dong oh mi cau ùr lơh jat ngan ngồn 7 tàm 14 jơnau kơlôi sơnơng sơnđờm mu\t lơh broă, sơnđờm broă lơh sa kă bro. Bơyai lơh mblàng yal dong kờl tàm tơrbo\ bal cau lơh broă bè jơnau kờ` bơsram broă lơh mờ rwah cau ùr lơh broă.

Ràng tơlik yal tơngi\t 14 cơldu\ ràng tơlik phan bơna geh bơh broă lơh sơnđờm mu\t lơh broă bơh cau ùr càr dê. Ală broă lơh bè do dong oh mi cau ùr tàm mpồl sơlơ pin dờn rlau tai nàng lơh jat ngan ngồn tàm rài kis ală jơnau kơlôi sơnơng sơnđờm mu\t lơh broă, sơnđờm broă lơh sa kă bro.

Cau mblàng Lơ Mu K’Yến