VOV4.K’ho- Mơ jơnau yal tơng^t “ at tê bal tài cau r[ah- ờ lời cau lơi gơtìp lời wơl bơh ngkời” ală ngai rềp dơ\ sa tềp dà lơgar, gơnoar at bồ ală kấp, ală gah sơnah lơh broă, mpồl cau bal mờ ală mpồl cau, cau dùl nă să is tàm Dak Lak gam lơh ngan lơh uă broă lơh ngan ngồn, geh pơrya kuơ nàng kờ` cèng tus mờ cau r[ah, cau kal ke in dùl nam pa ram mhu\.

Dùl khàp bơkào cúc dềt tàm cơl du\ gam bô dà sơng, mơya kung cèng tus ai hìu bơnhă bi Y Dlul Ayun ơm tàm [òn  Hra B, xã Ea Tul, kơnnhoàl Cư M’gar nùs nhơm wă rò sa tềp – nam pa ram mhu\ ngan. Y Dlul pà g^t, hìu pa lơh gơs, mờ uă ngan khà bơnah dong kờl, bè broă lơh 167, ală mpồl cau bal tàm tiah do, oh mi tàm pròt mhàm bal. Den tàng bè hơ\, Y Dlul gơlơh chờ hờp uă ngan:

“Lài do hìu geh lơh mờ mpàn, tu\ mìu là ntoat dô bơdìh. Sa Tềp nam lài oh mi mù tàm hìu đơs là: bi lơi hìu do bluh sèt jơh lơm, bi lơh mbè lơi nàng lơh dùl nơm hìu pa”. Iăt kơno oh mi đơs bè hơ\, kung moat jrùm sơl mơya ờ geh broă lơi nàng lơh. Geh dà lơgar dong kờl ai càn chờ hờp ngan. Nam do geh hìu ơm ram mhu\ rlau pơn drờm mờ sa tềp nam lài, geh wă rò oh bi [òn lơgar mù tàm hìu nhơl den oh mi kung chờ hờp ngan sơl.

Ùr bơklau bi Y Dlul Ayun kềng gah hìu ơm pa

Ai gơ wèt mờ hìu bơnhă ồng Y Blơm Bkrông, ơm tàm [òn Knia 3, xã Ea Bar, kơnhoàl Buôn Đôn, bơta chờ hờp tàm ală ngai lồi nam 2018, hơ\ là dờp geh kơnrồ me bơh Ủy ban Mặt trận dà lơgar Việt Nam càr mờ Sở Giáo dục – Đào tạo pà. Ồng  Y BLơm Bkrông đơs, hìu bơnhă kal ke ngan, 5 nă cau tàm hìu bơnhă mìng kơ\p kơnờm tàm priă nhai lòt lơh ơpah pah ngai. Geh tai dùl nơm kơnrồ me là ùr bơklau ồng geh tai tơl bơta nàng brồ guh.

A` ưn ngài Đảng mờ dà lơgar uă ngan tài bơh neh pà kơnrồ me ai làng bol tàm tiah do in nàng ai bol a` in ròng bơtàu tơnguh lơh sa. A` geh ròng gơ niam ngan, tryang tryồng lòt koh `hơ\t ai kơn rồ in sa nàng bơtàu tơnguh lơh sa, tơnơ\ do geh rài kis hờm ram rlau tai.

Ồng Y Blơm Bkrông chờ hờp yal tơl nă cau in iăt bè jơnau geh pà kơn rồ 

 At bơnah phan pà sa tềp tàm tê, mò Phan Thị Lan, thôn Đoàn Kết, thị trấn Liên Sơn, kơnhoàl Lak, ờ gơtùi mpồn bơta ngoh rơngăc. Mò Lan pà g^t, hìu bơnhă mò gơ wèt hìu bơnhă r[ah tàm thôn, bơklau mò dê gơbàn rềs àr lơh broă, pal bic dùl tiah lơm neh rlau 20 nam do, rài kis hìu bơnhă mò dê mìng kơnờm tàm rlau 800 rơbô priă dong kờl kuet kơl tê mờ khà priă jòi geh bơh broă tăc sồ siă bơh mò dê.

Ală nam do, kơnờm bơta dong kờl di tu\ bơh gơnoar atbồ [òn lơgar, hìu bơnhă mò neh geh dong kờl lơh hìu ơm, geh pà kơn rồ, mờ pah dơ\ ngai chờ dà lơgar, ngai sa tềp dà lơgar den geh ală kâp gơnoar atbồ sền gròi pà phan. Khà priă dong kờl di tu\ bơh gơnoar atbồ [òn lơgar mờ làng bol rềp bal là bơta pràn nàng mò in sơr lèt gan kal ke, brồ guh tàm rài kis.

 Ală tu\ kal ke ngan rlau jơh tàm rài kis den geh dong kờl. Tàm thị trấn pa do kung geh pà phan, ngai do den kung geh dờp phan pà tai den a` chờ hờp chờ hờn ngan, ưn ngài jơh ală gah sơnah lơh broă ală kầp. Sa tềp nam do a` geh tơl phe, priă jền mờ phan ngui pah ngai a` chờ hờp ngan.

Uă bơnah phan pà sa Tềp geh ai cau r[ah kal ke in tàm kơnhoàl Lak

Ồng Phạm Phượng, Phó Kuang atbồ Sở Lao động Thương binh mờ Xã hội càr Dak Lak pà g^t, bal mờ lơh hìu ơm, pà kơnrồ me ai hìu bơnhă r[ah in, di dơ\ sa tềp dà lơgar Kỷ Hợi nam 2019, gơnoar atbồ ală kâp, ală gah sơnah lơh broă, mpồl cau bal tàm càr gam bơyai lơh lòt còp, bơsong broă dong kờl mpồl bơtìan, pà phan ală hìu bơnhă chính sách in, mpồl cau bal, cau dùl nă să is pơn rơ jak tàm ù tiah càr dê; mờ kờp jơh khà priă rlau 40 tơmàn mờ rlau 1.200 tấn phe.

Bơdìh mờ hơ\, uă mpồl lơh sa kă bro, mpồl lơh broă, mpồl cau bal, cau dùl nă să is, kung tus tơl tiah bơyai lơh broă lơh dong kờl nùs nhơm, jàu pà g^t nđờ rơbô bơnah phan pà tus mờ ală hìu bơnhă r[ah, cau kuet kơl tê, cau gơbàn kòp khih dioxin.

Jat ồng Phạm Phượng, nàng broă lơh sền gròi sa tềp lơh geh cồng nha niam, di tu\ mờ di mờ tơl nă cau, gơnoar atbồ ală kấp tàm càr neh geh broă rơndap lơh ngan ngồn:

 “Tàm dơ\ sa tềp bơnhìan dà lơgar Kỷ Hợi nam 2019, Ủy ban nhân dân càr Dak Lak neh geh broă rơndap lơh sền gròi ai làng bol r[ah in. Đơng lam ală kơnhoàl, thị xã, [òn dờng bơt bơtàu broă rơndap lơh lòt còp, pà phan, kờp sền, sền sơ wì, tơrgùm khà hìu bơnhă, khà cau geh digơlan gam ờ tơl, gam gơbàn jơgloh nàng rcang lòt dong kờl. Bơsong broă dong kờl kấp xã tàm dơ\ sa tềp dà lơgar, gàr niam làm tơl, di tu\ ờ lời làng bol lơi gơtìp jơgloh….

Dong kờl hìu bơnhă r[ah, ală cau geh rài kis uă ngan kal ke tu\ dơ\ sa tềp dà lơgar tus do, nam pa tus neh pơgồp bơnah lơh geh tai bơta hờm ram, chờ hờp chờ hờn, nàng làng bol in wă rò sa tềp mờ bơta chờ hờp tơl làm rlau tai, geh tai bơta pràn brồ guh tu\ mut tàm nam pa…

Cau mblàng K’ Hạnh