VOV4.K’ho-Crơng gơs bơh lồi nam 2014, tơnơ\ rlau 3 nam lơh broă, Chi cục Kiểm lâm tiah IV sùm lơh pràn broă lơh pơgồp bal dong kờl Chi cục Kiểm lâm ală càr kềng gah dà lềng đah jum tàm gùl lơgar mờ Tây Nguyên bơyai lơh ală dơ\ lòt jòi ku\p cau sơgràm aniai brê;

lơh pràn mblàng yal tơnguh jơnhoa jơnau gi\t wa\ bơh làng bol dê tàm broă atbồ mờ sền gàr, rơcang sơndră mờ crùh ồs sa brê. Kơnờm bè hơ\ mờ ală dơ\ koh kơl aniai brê tàm tiah do neh gơmù uă ngan, bă brê geh is gơtìp koh kơl aniai ngai sơlơ geh kơryan niam.

Brê dà lơgar Yok Đôn, càr Daklak dê ơnàng 115 rbô lồ, dờng ngan rlau jơh tàm ală brê dà lơgar gùt lơgar dê. Do là tiah brê kròng geh uă ngan phan kis mờ uă jơi dơm chi brê kuơ ờ huan geh uă, bè: kơmlai, giáng hương, kơtê, cam xê; phan brê mờ chi che bơh tiah do dê kung geh uă ngan sơl, tàm hơ\ geh uă phan gam geh cih mat tàm sră pơrhê Việt Nam dê, bè: rwas, kru\, koa`,…

Lài do, tiah do sùm là tiah pơneh ờ niam ngan bè ală dơ\ koh kơl aniai brê, koh kơl dơm chi brê tìs mờ kơrnoat boh lam. Mơya, bơh nam 2014 tus tu\ do, Chi cục Kiểm lâm tiah IV neh jơh nùs ngan pơ gồp bal mờ mpồl kiểm lâm Brê dà lơgar Yok Đôn sùm bơyai lơh ală dơ\ lòt sền, jòi ku\p ală cau koh kơl aniai brê den tàng jơnau koh kơl aniai brê, ting cuh phan brê tàm do neh gơmù.

Ồng Phạm Ngọc Hùng, Phó trạm trưởng, Trạm Kiểm lâm sồ 6, Hạt Kiểm lâm Brê dà lơgar Yoh Đôn, pà gi\t:

“Tàm nam lài, kơnờm geh bơta dong kờl bơh mpồl kiểm lâm tiah IV dê pơgồp bal mờ kiểm lâm Brê dà lơgar Yok Đôn den tàng neh ku\p kơryan geh âlư tiah koh kơl uă brê, jòi ku\p geh ală cau koh kơl aniai brê ơm mpồn tàm brê kròng.

Kơnờm bè hơ\ mờ ală dơm chi kuơ gơtìp koh kơl neh gơmù uă ngan, khà ală dơ\ lơh tìs adat brê bơnơm, koh kơl pơndiang dơm chi brê, sơn dă phan brê kung bè tăc bro tìs mờ kơrnoat boh lam kung gơmù pơn jat bal sơl”.

Chi cục Kiểm lâm tiah IV sùm bơyai lơh uă dơ\ mblàng yal nàng tơnguh jơnhoa jơnau gi\t wa\ bơh làng bol dê bè broă lơh atbồ mờ sền gàr brê, rơcang sơndră mờ crùh ồs sa brê, pờ ală ơdu\ bơto pơlam tơnguh jơnhoa jơnau gi\t wa\ tàm broă lơh ờs mờng ai mpồl kiểm lâm tàm ală tiah in.

Ồng Nguyễn Văn Nam, Phó Chi cục trưởng, Chi cục Kiểm lâm càr Kontum pà gi\t, tu\ do, càr gam atbồ mờr 970 rbô lồ brê geh kis. Tài bơh mpồl cau lơh broă ờ uă, ù tiah ơnàng ngan, den tàng broă lơh atbồ mờ sền gàr brê tàm ală nam do tìp uă ngan kal ke.

 Bơh tu\ lơh kơrnoat pơgồp bal mờ Chi cục Kiểm lâm tiah IV, geh mpồl do dong kờl bè cau lơh broă, mờ phan ngui tàm broă lơh den tàng broă atbồ mờ sền gàr brê, rơcang sơndră mờ crùh ồs sa brê geh tơnguh tai loh làng ngan. Ồng Nguyễn Văn Nam, đơs:

“Mpồl kiểm lâm tiah IV mờ Chi cục Kiểm lâm càr Kontum geh uă ngan broă lơh pơgồp bal, bè: tàm yal tơngi\t bal jơnau, pơgồp bal bơsong jơnau yal atbồ mờ sền gàr brê, bơto pơlam tơnguh jơnhoa jơnau gi\t wa\ tàm broă lơh ờs mờng nàng atbồ mờ sền gàr brê mờ bơtàu tơnguh brê.

Tơngai tus, bol a` geh sùm pơgồp bal uă rlau tai nàng tơnguh jơnhoa broă lơh mblàng yal đơs is mờ ală gùng dà broă lơh atbồ mờ sền gàr brê đơs bal ngai sơlơ geh cồng nha rlau”.

Jat Chi cục Kiểm lâm tiah IV yal, tu\ do, Chi cục do bal mờ Chi cục Kiểm lâm ală càr kềng gah dà lềng đah jum tàm gùl lơgar mờ Tây Nguyên atbồ pơgăp 8 tơlak 300 rbô lồ brê geh is.

Ồng Tô Xuân Đam, Phó Chi cục trưởng, Chi cục Kiểm lâm tiah IV pà gi\t, tàm nam tus, Chi cục do geh jơh nùs uă rlau tai lơh pràn broă lơh pơgồp bal mờ ală tiah lơh jat krà` cê jơh nùs ală broă lơh atbồ mờ sền gàr brê. Ồng Tô Xuân Đam, đơs tai bè do:

“Nam 2018 tus do, bol a` neh geh broă rơndăp lơh mờ lam lơh ală broă lơh tus tàm tơl càr. Pơn jat hơ\, bol a` lơh kơrnoat pơgồp bal mờ ală càr nàng bơto pơlam, mblàng yal nàng lơh bè lơi lơh niam broă lơh atbồ mờ sền gàr brê. Bơsong jơh ală tiah gơlik geh uă jơnau koh kơl aniai brê tàm ală tiah bơh ală càr dê tu\ do”!

Cau cih mờ yal tơngi\t- Lơ Mu K’Yến