VOV4.K’ho- Phó Thủ tướng Chính phủ ồng Vũ Đức Đam pa kĭ Nghị quyết sồ 128 bơh Chính phủ dê ai tơlik jơnau sồr ing “Gơ rờm bal ờdo ờdă, ngac ngar, gròi sền geh cồng nha kòp Covid-19”. Bơh bơta geh ngan broă gơlik geh, jơnau đơs mblàng lơh loh bơh ală cau khoa học, cau jak chài dê, jơnau đơs bơh ală tiah mờ Mpồl đơng lam dà lơgar rơcang sơndră kòp Covid-19 dê, Chính phủ đal git jơnau kờñ broă lơh rơcang sơndră kòp kung gam là kơnòl broă tờm kờñ sền gàr uă ngan rlau jơh pràn kơldăng să jan, màng kis làng bol dê, bơtàu tơnguh wơl, bơtàu tơnguh lơh sa- mpồl bơtiàn, gàr tơl niam rài kis, ờdo ờdă mpồl bơtiàn; tam gơl broă lơh rơcang sơndră kòp gơs “gơ rờm bal ờdo ờdă, ngac ngar, gròi sền geh cồng nha kòp Covid-19”. Jơnau cih pa mờ jơnau kờñ sền gàr uă ngan rlau jơh pràn kơldăng să jan, màng kis làng bol dê; tơrmù tus khà lơyah ngan rlau jơh ală cau bơtờp kòp, cau gơ gơs jroă, cau chơt tài bơh kòp Covid-19; bơtàu tơnguh wơl mờ bơtàu tơnguh lơh sa- mpồl bơtiàn, sền gàr lơngap lơngai, ờdo ờdă mpồl bơtiàn; lam lơh jat jơnau kờñ dơ̆ lĕ bal, lam gùt lơgar tam gơl gơs bơta bè ờs pa gờñ.

Cau mblàng K’Duẩn