VOV4.k’ho – Văn phòng Chính phủ pa geh sră nggal mblàng wơl jơnau đơs bơh Phó Thủ tướng Thường trực Chính phủ Trương Hoà Bình đơng lam UBND càr Gialai pơnjat tai sền sơwì, lơh loh broă lơh tìs tàm broă blơi phan bơna mai\ mok lơh sơnơm mờ cok khà priă tac sơnơm tàm Sở Y tế càr do.

Mùl màl, sền sơwì, lơh loh broă gơ lin, tơnguh khà priă bơh ală phan bơna, mai\ mok lơh sơnơm neh blơi; mơkung sồr đơs loh ală bơta ờ niam mờ broă lơh tìs tàm broă blơi phan bơna, coh khà priă tac sơnơm tàm gah lơh sơnơm càr Gialai bơh ală nam 2010 tus 2015 neh geh bơsong halà ờ hềt.

Phó Thủ tướng Trương Hoà Bình kung sồr càr Gialai đơng lam broă lùp sền, sền sơwì broă blơi phan bơna lơh sơnơm, coh khà priă tac sơnơm tàm 2 nam 2016 mờ 2017, bơh nam 2018 rlau hơđang, càr pal tơmut broă lùp sền gah lơh sơnơm tàm rơndap broă lùp sền pah nam.