VOV4.K’ho- Drim òr 16/11, tàm dơ\ lùp mờ hơ jơnau lùp bơh sơnrờp tàm dơ\ pơrjum dơ\ 4, Quốc hội kơnă XIV, tơnơ\ bơnah hơ jơnau lùp bơh Bộ trưởng Tài chính, ồng Đinh Tiến Dũng dê, Phó Thủ tướng Vương Đình Huệ neh yal lơh loh làng tai gơnoar broă bơh Chính phủ dê tàm broă atbồ tă mờ dơ\ ngui kes priă dà lơgar, gàr niam ờdo ờdă dồs dà lơgar tơngai bơh tu\ do tus nam 2020.

Phó Thủ tướng đơs loh, Chính phủ neh kờp du\ nền mờ sền go\ là, khà ai dồs dà lơgar mìng là dùl jơnau lơm, bơta pràn tơm dồs hơ\ sồng là kuơmàng. Den tàng bè hơ\, Chính phủ đơs ờ mờ jơnau dan tơnguh khà ai dồs dà lơgar mờ ala tàm hơ\ là Chính phủ sồr bơ\t bơtàu rơndăp broă lơh rơndăp tăp sèng wơl dơ\ ngui uă ir kes priă, gàr niam kơ\ kơl jăp ờdo ờdă dồs dà lơgar.

Phó Thủ tướng Vương Đình Huệ đơs ngan: Pơrjum dờng Đảng gùt lơgar dơ\ 12 neh geh ală jơnau sền swì dồs dà lơgar gam gơguh uă mờ bơta kơ` jơ\ kơ` năng tơm dồs uă, mờ sền kơnòl broă bơsong bơta do là dùl tàm ală kơnòl broă tờm tàm tơngai tus.

Bal mờ hơ\, tu\ do, bol he gam ơm tềng đap kơnòl broă dơ\ le\ bal pal lơh geh bơtàu tơnguh broă lơh sa mhar mờ kơ\ kơl jăp, bơsong ală jơnau ờ pràn jak, ờ niam tàm dơlam is bơh broă lơh sa dê tai, tàm bơta gùng dà broă lơh priă jền mờ priă jền gam ờ huan geh uă mờ broă lơh sa dunia gam uă kal ke.

Cau cih mờ yal tơngit- Lơ Mu K’ Yến