VOV4.K’ho – Chính phủ pa geh ală Nghị quyết tam gơl rơndap broă ngui ù tus nam 2020 mờ broă rơndap lơh ngui ù lồi tơngai bơh nam 2016 tus nam 2020 gơwèt mờ càr Lâm Đồng. Jat hơ\, tus nam 2020, Lâm Đồng geh rlau 890 rbô lồ ù lơh sa suơn sre, geh 91% bă ù gùt càr; ù ờ di lơh sa suơn sre mờr 75 rbô lồ, geh 7,6%; ù ờ hềt ngui 6 rbô 500 lồ mờ ù tiah drà 81 rbô 500 lồ, geh 8,3%.

Chính phủ sồr UBND càr Lâm Đồng đal git nhàr mờ yal loh làng bă ù tam kòi, ù brê rơcang gàr, ù brê kuơ màng pal geh sền gàr krà` ngan ; tam pà cau lơh broă, priă jền, gàr ring bơta kuơ đah ală tiah geh tơl bơta nàng bơtàu tơnguh công nghiệp, tiah drà, broă drơng ala tus mờ bă tiah sền gàr ù tam kòi, ù brê; geh chính sách, broă lơh dipal nàng cau tam kòi in iang nùs lơh sa; tơnguh bơcri priă bơt bơtàu phan bơna mpồl bơtiàn, phan bơna kỹ thuật, gàr niam bơta ring bal đah ală tiah.