VOV4.K’ho - Phó Thủ tướng Chính phủ ồng Vũ Đức Đam neh kĭ kơrnoăt lơh jăt jơnau kờñ, kơnòl, broă tơnguh bơtàu ờ uă ƀăo lĭp mờ ƀăo điện tử lơh broă bal mờ lơgar ndai dà lơgar dê tơngai bơh nam 2022 tus 2030.

Tơngu me kờñ tơnguh bơtàu ƀăo lĭp Việt Nam News, sră ƀăo lĭp, ƀăo rùp Việt Nam mờ Ƀăo Điện tử VietnamPlus bơh Thông tấn xã Việt Nam gơs ală ƀăo lĭp mờ ƀăp điện tử lơh broă bal mờ lơgar ndai dà lơgar dê, lơh gơs kơnòl yal tơngit broă lơh bal mờ lơgar ndai jăt gùng dà broă lơh bơh Đảng, adăt boh lam bơh Dà lơgar he dê. Kơnòl mờ broă tơnguh bơtàu ờ uă pang ƀăo lĭp mờ ƀăo điện tử lơh broă bal mờ lơgar ndai tơngai bơh nam 2022 tus 2030 là tơnguh khà uă mờ bơta niam jơnau tơngit. Mùl màl, tơnguh uă khà geh mờ bơta niam jơnau tơngit lơh broă bal mờ lơgar ndai, jơnau tơngit di tŭ, geh bơta pràn lam sồr bè bơta tàm lơgar mờ kòn bơnus Việt Nam. Geh tam gơl pa sùm bè tơngu me jơnau tơngit, tơnguh khà geh, bơta niam ală pang ƀăo, jơnau kờñ di pal. Lơh geh ală jơnau tơngit uă bơta jăt broă lơh sră ƀăo pa dê, pa tàm bơta công nghệ số, ai jơnau tơngit tus mờ ală pang internet mpồl bơtiàn nàng hòi jà cau sền.

Cau mblàng Ndong Brawl