VOV4.K’ho- Mho òr (24/4), tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ đơng lam Pơrjum gơrềng bal ờs mờng pah nam đah Chính phủ  mờ Ủy ban Mặt trận dà lơgar Việt Nam.

Nam 2019, Chính phủ mờ Mặt trận dà lơgar Việt Nam tơrgùm lơh jat ală broă kuơmàng: pơn jat tai pơgồp bal lơh kơ\ kơl jăp, rề ơnàng mờ sơlơ tơnguh tai mpồl tam klac dờng gùt jơi bơtiàn mờ dùl nùs bal mpồl bơtiàn; pơgồp bal lơh pràn ală srơh tàm pơrlòng kờ` gơboh dà lơgar pơgồp bơnah pơn jat tai kơ\ kơl jăp lơh sa dờng, chul chồl gơguh lơh sa mờ gàr tơl niam rài kis mpồl bơtiàn; pơgồp bal lơh jat niam nùs nhơm làng bol lơh tờm, gròi sền mờ tă pơgồp wơl bơh mpồl bơtiàn dê, tus bal bơ\t bơtàu Đảng, Dà lơgar sàng goh, pràn kơldang kơ\ kơl jăp, lơh pràn rcăng sơndră sa kuề sa kùa, pơhì pơhà, bơsong yal yă bơh làng bol dê; Pơgồp bal bơ\t bơtàu gùng dà broă lơh kơrnoat boh lam.

Kuơmàng là broă làng bol gơ wèt mờ Chính phủ mờ Mặt trận Dà lơgar: ală anih lơh broă do pal rềp mờ làng bol, wa\ wờng làng bol rlau tai. Pal sơlơ tơnguh tai gơnoar broă Đảng dê, bơta atbồ Dà lơgar dê, gròi sền bơh Mặt trận dà lơgar dê tàm broă lơh bơ\t bơtàu mờ tam gơl pa dà lơgar.

Cau mblàng Lơ Mu K’Yến