VOV4.K’ho - Drim òr (06/09), tềng đăp mờ broă đơng lam, lam sồr bơh Thủ tướng Chính phủ ồng Phạm Minh Chính, Chính phủ neh pơrjum bè ờs nhai 8 nam 2021 nàng cri bơyai bè broă lơh sa mpồl bơtiàn nhai 8 mờ 8 nhai nam 2021; broă lơh jăt Nghị quyết sồ 01 bơh Chính phủ; broă lơh sa mpồl bơtiàn nam 2021 mờ kờp dŭ broă Rơndăp lơh tơnguh bơtàu broă lơh sa mpồl bơtiàn nam 2022; broă rơndăp lơh bơcri priă dà lơgar nam 2021, kờp dŭ broă rơndăp lơh bơcri priă dà lơgar nam 2022; broă rơndăp lơh bơ̆t bơtàu wơl broă lơh sa tơngai bơh nam 2021 tus 2025 mờ ală broă kuơ màng ndai.

Tàm dơ̆ pơrjum, Thủ tướng Chính phủ ồng Phạm Minh Chính sồr Bộ Tài chính tơrgùm ală jơnau dan bơh ală gah lơh broă, ală càr, ƀòn dờng bè khà priă drơng tàm broă rơcang sơndră mờ kòp gơtờp; Bộ Lao động-Thương binh mờ Xã hội kơlôi sơnơng bơtơl broă lơh ai mpồl lơh broă tàm tiah sơnrờp tam dră mờ kòp; Bộ Giao thông Vận tải sền wơl kơrnoăt ring bal, gàr niam broă pơn diang phan, ntrờn kòn bơnus pal geh jơnau đơng lam ring bal. Jơnau sồr là mhar gròi sền tơl bơta nàng chồl pràn broă lơh sa mpồl bơtiàn, tàm bơta pa.

Cau mblàng Ndong Brawl