VOV4.K’ho - Tàm Hà Nội, Thủ tướng Nguyễn Xuân Phúc đơng lam dơ\ pơrjum Thường trực Chính phủ bè broă rơcang pơrjum cri bơyai lơh sa dunia bè ASEAN (gam sơnđan là WEF-ASEAN) geh bơyai lơh bơh ngai 11 tus 13 nhai 9 tàm Hà Nội.

Jăt jơnau yal bơh Bộ Ngoại giao tàm pơrjum, mpồl broă cri bơyai mờ mờr 60 dơ\ pơrjum, lơh broă. Tus tu\ do, neh geh kuang atbồ lơgar, thủ tướng bơh 8 lơgar đơs geh tus pơrjum.

Geh mờr 800 nă kuang bàng là kuang đơng lam ală tập đoàn dờng dunia mờ tàm tiah do đơs geh tus pơrjum sơl. Mờ bơta kuơ màng bơh pơrjum mờ lơgar Việt Nam là lơgar bơyai lơh, ồng Nguyễn Xuân Phúc sồr ală bộ, gah lơh broă pal pơlam, ai geh ală jơnau bơceh pa lơgar Việt Nam dê tàm pơrjum; rơcang niam ngan ală tơngu me bơh ală broă lơh tàm pơrjum, tơl^k di bơngă bơh lơgar đơng lam bal pơrjum.

Ồng Nguyễn Xuân Phúc đơs tòm, pal ai geh 1 bơta niam lơgar Việt Nam mờ gùt dunia bal mờ tàm tiah do bơh pơrjum cri bơyai lơh sa dunia bè ASEAN dơ\ do.

Cau mblàng Ndong Brawl