VOV4.K’ho- Drim ngai 02/12, Chính phủ pơrjum ờs mờng nhai 11 nam 2021. Đơs sơn đờm dơ̆ pơrjum, Thủ tướng Phạm Minh Chính đơs nền, bơh mờr 2 nhai lam lơh jat Nghị quyết 128 bơh Chính phủ dê bè gơ dờp ờdo ờdă, ngac ngar, gròi sền geh cồng nha kòp bơtờp, bol he neh gơtùi sền gròi kòp bơtờp tàm gùt lơgar; broă lơh sa mpồl bơtiàn geh uă tam gơl niam.

Dơ̆ pơrjum do, Thủ tướng sồr ală kuang geh jơng tàm Chính phủ tơrgùm bồ tơngoh jak nàng cribơyai geh cồng nha, đơs song tàm ală broă kuơmàng, tơrgùm cribơyai bè broă lơh sa mpồl bơtiàn nhai 11 mờ 11 nhai do, kuơmàng là broă lơh rơcang sơndră kòp bơtờp mờ bơtàu tơnguh wơl lơh sa; rơcang tus pơrjum Chính phủ lồi nam, rơcang lài ai bồ nam mờ ai jơh gùt nam 2022 in.

Cau mblàng K’Duẩn