VOV4.K’ho- Ngai 25/3, ồng Trịnh Đình Dũng Phó Thủ tướng Chính phủ neh kĭ Kơrnoat sền swì ring bal jơnau dan bơcri priă lơh Rơndăp broă lơh bơ̆t bơtàu Anih ơhò ơm Liên Chiểu, ƀòn dờng Đà Nẵng- bơnah phan bơna ngui bal. Do là rơndăp broă lơh mpồl A, bơcri priă dà lơgar dê bal mờ kờp jơh priă digơlan tus 3 rbô 426 tơmàn đong, bơh Ủy ban Nhân dân ƀòn dờng Đà Nẵng là anih lơh broă tờm geh gơrềng.

Jăt Kơrnoat do, Thủ tướng Chính phủ jàu Ủy ban Nhân dân ƀòn dờng Đà Nẵng in kong kơnòl bè bơta dipal bè tơngume, khà kờp tàm Jơnau yal kơlôi sơnơng bơh sơnrờp gơtùi lơh jăt ngan ngồn; đơng lam lơh Jơnau yal kơlôi sơnơng gơtùi lơh jăt ngan ngồn Rơndăp broă lơh, jun mờ kấp geh gơnoar in lơh nền bơcri priă lơh Rơndăp broă lơh jăt di jơnau sồr bơh kơrnoat boh lam dê; Bè hơ̆ là tơnơ̆ 3 nam lơh ngan jơh nùs bơ̆t bơtàu rơndăp lơh jun mờ ală kấp geh gơnoar in, tus tŭ do, Rơndăp broă lơh bơcri priă lơh Anih ơhò ơm Liên Chiểu, ƀòn dờng Đà Nẵng- bơnah phan bơna ngui bal neh ngan ngồn geh sền swì ring bal.

Cau mblàng Lơ Mu K’Yến