VOV4.K’ho- Jat tàm jơnau đơs pơndu\t bơh Ủy ban Thường vụ Quốc hội dê tàm dơ\ pơrjum dơ\ 19, ồng Nguyễn Xuân Phúc, Thủ tướng Chính phủ jàu kơnòl ală bộ trưởng, kuang atbồ anih lơh broă ndrờm pal mờ bộ in kơlôi sơnơng, iat kơno jơnau đơs pơndu\t bơh Ủy ban Thường vụ Quốc hội dê.

Thủ tướng Chính phủ jàu Bộ Kế hoạch mờ Đầu tư in đơng lam, pơgồp bal mờ Ủy ban Lơh sa bơh Quốc hội dê mờ ală anih lơh broă gơrềng bal pơn jat tai iat kơno, lơh tam gơl wơl lơh gơs rơndăp cih Kơrnoat boh lam, jun tus Ủy ban Thường vụ Quốc hội in sền swì, ring bal tàm nhai 12 nam 2018.

Bè rơcang pơrjum dơ\ 7, Quốc hội khoá 14 in, Thủ tướng sồr ală bộ, anih lơh broă ndrờm pal mờ bộ tơrgùm rlau ai broă lơh rơcang tơngume dơ\ pơrjum pal geh lơh niam mờ di tơngai; mơkung tơngkah sồr bơtơl ală rơndăp broă lơh adat jat Nghị quyết bơh Ủy ban Thường vụ Quốc hội dê bè tam gơl wơl Broă lơh adat boh lam, kơrnoat boh lam nam 2019.

Cau mblàng Lơ Mu K’Yến