VOV4.K’ho - Mờ sơnđan ‘’Sả\ bao\ Việt Nam tam gơl pa, [ơceh, kơnòl tài bơta kuơ bơh dà lơgar mờ làng bol’’, Chờ   gah lơh bao\ gùt lơgar 2019 geh lơh bơh ngai 15 tus 17/3, tàm Bảo tàng Hà Nội. Jơnau do geh mpồl đơng lam bơyai lơh chờ gah lơh broa\ gùt lơgar 2019 ai git tàm dơ\ pơrjum bao\ ngai òr (7/3), tàm Hà Nội.

Mpồl đơng lam bơyai lơh chờ  gah bao\ gùt lơgar 2019 đơs tờm: Chờ gah bao\ gùt lơgar la broa\ lơh ngan ngồn gờm chờ ala\ broa\ dờng geh lơh tàm nam,  gờm chờ ala\ cồng nha bơh dà  lơgar tàm broa\ tam gơl pa,  la tu\  jờng bơta bơtàu tơngguh pràn ngan, ala\ cồng nha dờng ngan bơh gah sra\ bao\ Việt Nam, yal tơnggit ala\ phan  bơna  sra\ bao\ bal mờ broa\ lơh lơh broa\, bơceh bơh ala\ cau lơh bao\ tàm gùt lơgar, tơngguh bơnga\ mờ pin dờ` bơh Mpồl cau lơh bao\ Việt Nam tàm rài kis sra\ bao\ đơs is mờ  pơnjờng ala\  ta\ pơ gồp dờng bơh  ala\ mpồl bal, cau dùl na\ sa\, ala\ mpồl, mpồl lơh sa ka\ bro geh ta\ pơ gồp  niam ngan tàm rài lơh broa\ gah sra\ bao\.

Cau mblàng K’ Brọp