VOV4.K’ho – Phó Thủ tướng, ồng Vương Đình Huệ pa đơng lam dơ\ pơrjum mờ ală bộ, gah broă lơh bè bơta tă priă bơcri dà lơgar tàm 4 nhai bồ nam 2019. Jat jơnau yal bơh Bộ Tài chính dê, kờp du\ tă priă bơcri dà lơgar tàm bồ nam do mìng pa geh 16,45% broă rơndap lơh mờ Quốc hội jàu. Ală bộ, gah broă lơh đơs, kha tă priă kung gam lơyah, tài tus nhai 2 den hơ\ sồng gơtùi lơh jơh broă yal mùl màl broă rơndap lơh bơcri priă nam 2019 geh jàu.

Phó Thủ tướng sồr ală bộ, gah broă lơh mờ ală tiah pơlam lơh jat niam jơnau đơng lam bơh Thủ tướng Chính phủ dê bè ală kơnòl, broă lơh chồl mhar tơngai tă priă bơcri dà lơgar, pơgồp bơnah sơlơ chồl pràn bơtàu tơnguh lơh sa nam 2019. Phó Thủ tướng kung sồr ală bộ, ală tiah sơlơ lùp sền, sền sơwì, lơh glài broă lơh tìs tàm tu\ lam lơh broă rơndap lơh bơcri priă dà lơgar, lơh loh kơnòl mờ lơh glài krà` jat jơnau cih bơh adat boh lam dê gơwèt mờ ală cau dùl nă să is lơh tìs mờ kờ` lơh lơyài tơngai tă priă bơcri…