VOV4.K’ho - Tàm ală broă lơh còp mùl màl lơgar Việt Nam, mho òr (22/3), ồng Moon Jae In, kuang atbồ lơgar Hàn Quốc bal mờ Phó Chủ tịch lơgar mò Đặng Thị Ngọc Thịnh neh tus pơrjum mu\t lơh Viện Khoa học Công nghệ Viện Nam mờ Hàn Quốc.

Viện do geh lơh jăt broă lơh dunia, di gơlan geh lơh gơs tàm nam 2020, wèt tus broă tơnguh bơtàu công nghệ lơh sa mờ măy mo\k drơng ală gah lơh sa tàm lơgar Việt Nam in.

Ồng Moon Jae In đơs tòm, do là 1 bơta tơngo\ kuơ màng tàm broă dong kờl tơnguh bơtàu broă lơh khoa học mờ công nghệ lơgar Việt Nam dê kung bè broă lơh bal đềt mềr bơh 2 lơgar tàm ală gah broă.

Kung tàm dùl ngai bal, Phó thủ tướng Trịnh Đình Dũng geh wă Chủ tịch Liên đoàn Hợp tác xã Nông nghiệp lơgar Hàn Quốc. Phó thủ tướng sồr Liên đoan Hợp tác xã Nông nghiệp lơgar Hàn Quốc pơn jat tai dong kờl Mpồl tam klăc Hợp tác xã Việt Nam bơt bơtàu broă lơh hợp tác xã pa, ai bơta jak chài atbồ đơng lam ròt siêu thị mờ chồl pràn lơh broă bal tàm gah priă jền lơh broă sa suơn sre, tàm pà bơta mờng chài tàm broă lơh priă jền lơh broă sa suơn srê, bảo hiểm hoàc huơr tàm broă lơh sa suơn srê, ai càn priă ai ală hợp tác xã lơh sa suơn sre in…

Phó thủ tướng kung sồr Liên đoàn dong kờl, chồl pràn ală anih lơh broă geh gơnoar bơh lơgar Hàn Quốc dê  bơsong ală bơta kal ke bè sền gròi gơ wèt mờ ală phan lơh bơh lơh sa suơn sre- phan brê bơnơm mờ phan tàm da bơh lơgar Việt Nam dê mut tàm lơgar Hàn Quốc, tềng đap mat là plai dà toh; chồl pràn pờ mpồng drà kă bro phan lơh bơh poac sur, poac iar tàm nam 2018, pơn jat tai là plai thanh long, chôm chôm,  plai jràng  mờ plai gơ àl.

Bộ trưởng Bộ Công thương ồng Trần Tuấn Anh neh geh dơ\ cri bơyai mờ ồng Paik Un Gyu, Bộ trưởng Bộ Thương mại, Công nghiệp mờ Năng lượng lơgar Hàn Quốc. 2 gah neh cri bơyai ală broă lơh sa, kă bro bal kờ` geh khà kă bro bal bơh 2 lơgar tus 100 tơmàn đôlar Mỹ tàm nam 2020 jăt gùng dà broă lơh ndrờm bal rơlao, di mờ gùng dà broă lơh bơh kuang bàng đơng lam dờng màng 2 lơgar neh ai.

Bàr nă ồng ring bal geh crơng gơs cơ chế lơh broă bal 4 gah bơh ală Bộ Công Thương mờ Bộ Nông nghiệp 2 lơgar kờ` ai tơl bơta [uơn ai broă kă bro phan geh lơh bơh broă lơh sa suơn sre in, kuơ màng là tăc phan geh lơh bơh broă lơh sa suơn sre bơh lơgar VN tus lơgar Hàn Quốc.

Tơnơ\ mờ dơ\ cri bơyai, 2 nă ồng neh k^ hơ bal 5 pang sră mờ sền broă k^ 10 pang sră lơh broă bal bơh anih lơh sa kă bro bơh 2 lơgar dê.

Cau cih mờ yal tơng^t Ndong Brawl – K’Hạnh