VOV4.K’ho – Mho òr (26/3), tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng neh wă ồng Lee Hae-chan, Chủ tịch Đảng Dân chủ đồng hành Hàn Quốc lam bồ mpồl kuang bàng Đảng lòt còp lơgar Việt Nam. Tổng Bí thư, Chủ tịch lơgar, ồng Nguyễn Phú Trọng đơs niam broă 2 Đảng ki\ sră cih kah bè sơlơ lơh broă bal; sồr 2 gah pơgồp bal krà` cê kờ` lơh jat ngan ngồn sră cih kah, pơgồp bơnah ngan ngồn bơt bơtàu bơnàng jă kuơ màng nàng bơtàu tơnguh git gơp lơh bơyô đah làng bol 2 lơgar mờ sơlơ lơh niam rlau tai git gơp lơh broă bal kuơ màng Việt Nam – Hàn Quốc.

Kung tàm mho òr, wă Chủ tịch Đảng Dân chủ đồng hành Hàn Quốc, Thủ tướng Nguyễn Xuân Phúc kơp kờ` Hàn Quốc ai geh bơta [uơn, dong kờl ală cau bơcri priă lơgar Hàn Quốc mut tàm lơgar Việt Nam. 2 lơgar sơlơ lơh broă bal tàm gah lơh sa – kă bro jat gùng dà broă lơh ring bal, kơ\ kơljap wèt tus jơnau kờ` priă lơh geh bơh kă bro đah 2 lơgar geh 100 tơmàn đôlar tàm nam 2020.

 Ồng Lee Hae-chan ưn ngài Chính phủ Việt Nam neh sền gròi, dong kờl ai broă lơh bơh mpồl lơh sa kă bro lơgar Hàn Quốc dê mờ rài kis cau Hàn Quốc tàm lơgar Việt Nam. Ồng pà git, Chính phủ Hàn Quốc kung sền gròi tus broă sền gàr mờ dong kờl cau Việt Nam tàm lơgar Hàn Quốc.

                                                         Cau mblàng K’Duẩn