VOV4.K’ho- Mho òr 5/12, Hội đồng Nhân dân càr Dak Lak neh yal cồng nha ai sră pin dờn gơ wèt mờ 28 nă cau at gơnoar broă bơh Hội đồng Nhân dân càr dê pồ. Geh 3 bơta sră, là: pin dờn jơnhoa, pin dờn mờ pin dờn dùl êt.

Cồng nha, cau geh sră pin dờn jơnhoa uă ngan rlau jơh là ồng Y Biêr Niê, Chủ tịch Hội đồng Nhân dân càr Dak Lak bal mờ 75 sră pin dờn jơnhoa, 4 sră pin dờn, ờ geh sră pin dờn dùl êt.

Cau geh sră pin dờn dùl êt uă ngan rlau jơh là ồng Doãn Hữu Long, Kuang atbồ Sở Y tế, bal mờ 13 sră (geh khà 15,48%). Ồng Long geh 28 sră pin dờn jơnhoa, 38 sră pin dờn. Cau geh sră pin dờn dùl êt dơ\ bàr là ồng Y Ring Adrơng, Kuang atbồ Mpồl duh broă kòn cau càr Dak Lak bal mờ 11 sră. Sră pin dờn jơnhoa bơh ồng Y Ring dê kung êt ngan rlau jơh bal mờ 26 sră.

Cau mblàng Lơ Mu K’Yến