VOV4.K’ho- 90 nam do, sơlơ pơ`ìơ să ngan bè Đảng pơnrơ ngan, bol he sơlơ gi\t ưn ngài jrô ơnàng Chủ tịch Hồ Chí Minh dờng màng mờ pơnrơ ngan- Ồng là cau crơng gơs mờ pơlam tàp Đảng tàm bồ tơngoh, chính trị, rơndăp tăp sèng, nùs nhơm tus dì gùng dà mờ bơta pal jăt bơ\t bơtàu Đảng. Jơh dùl rài kis, Ồng neh lời wơl ai jơi bơtiàn in, ai Đảng in dùl broă lơh pơnrơ ngan, dùl phan lời wơl kuơmàng ngan, hơ\ là bồ tơngoh Hồ Chí Minh mờ dùl krơh àng sơndah, lam lài niam ngan, sùm jơh dùl rài kis lơh ngan phi să tài bơta lơngăp lơngai khăt gơboh is bơh Dà lơgar dê, tài bơta chờ hờp bơh làng bol dê. Bác Hồ là krơh àng ai tơl nă kuang bàng Đảng viên in, là cau crơng mòn mờ pơlam tàp Đảng.

Ngai 3 nhai 02 nam 1930, Đảng Cộng sản Việt Nam crơng gơs. Do là bơta tam gơl dờng màng ngan bơh jơnau kah yau kăc màng Việt Nam dê, gơ jăt bal mờ muh măt sơnam deh bơh kuang đơng lam bồ pơnrơ ngan Nguyễn Ái Quốc- Hồ Chí Minh dê.  

Tơnơ\ dơ\ tam lơh pha lin bơh Kăc màng Nhai 10 Nga dê tơn, Chủ tịch Hồ Chí Minh (tu\ hơ\ ồng ai măt là Nguyễn Ái Quốc) neh ai geh dùl jơnau đơs pơndu\t kuơmàng ngan: gùng lòt kăc màng dong klàs jơi bơtiàn pal gơ jăt bal lòt guh bơ\t bơtàu rài làng bol lơh tờm mpồl bơtiàn ring bal. Ồng neh geh bơta rcăng lài wil tơl ngan bè ală bơta pal geh ngan ngồn. Hơ\ là rcăng lài bè bồ tơngoh, cribơyai mblàng yal Chủ nghĩa Mác- Lênin tàm srơh công nhân mờ srơh kờ` gơboh dà lơgar; mơkung gi\t loh jơnau kờ` chính trị- ai geh bơta lơngăp lơngai is jơi bơtiàn in gơ jăt bal mờ cau lơ òr geh sre mờ kuơmàng là rcăng lài bè rơndăp tăp sèng kuang bàng. Bơh ală nam 1925- 1927, Nguyễn Ái Quốc să tờm tơn crơng gơs Mpồl “Việt Nam ơruh pơnu kăc màng Đồng chí Hội”, pờ pe ơdu\ bơto pơlam chính trị kăc màng ai rơnàng ơruh pơnu jak chài bơh Việt Nam dê in, mờ kờp jơh ală là 75 nă.

Ồng Dương Kỳ, Kuang ătbồ Bảo tàng Kah yau Kăc màng Quảng Đông, lơgar Lo- do là Mpồl ătbồ Anih lơh broă “Việt Nam ơruh pơnu kăc màng Đồng chí Hội” tàm hìu sồ 13 (tu\ do là hìu sồ 248- 250) gùng Văn Minh, đơs bè do: Bơh mpồl Hội Việt Nam kăc màng ơruh pơnu bơtàu tơnguh gơ gơs ală mpồl cộng sản, hơ\ là bơta rcăng lài wil tơl ngan jơh bal bè chính trị, bồ tơngoh rơndăp tăp sèng nàng pơrjum crơng gơs Đảng. Kung tàm do sơl, uă ơruh pơnu kờ` gơboh dà lơgar neh geh pơlam tàp nàng gơ gơs là ală kuang bàng tờm ngan tàm ală ngai sơnrờp pa crơng gơs. Ngan tài bè hơ\, broă crơng gơs Đảng Cộng sản Việt Nam tàm kàl prang bồ nam 1930 gơ jăt bal mờ dà kơlhề bơh kuang đơng lam bồ Nguyễn Ái Quốc dê:

“Chủ tịch Hồ Chí Minh là Kuang đơng lam bồ jak chài ngan bơh Việt Nam dê. Gơtùi đơs, 2 nam nggùl lơh broă tàm Quảng Đông là tu\ tơngai dờng màng ngan gi\t lơh tàm ală tu\ tơngai lơh broă kăc màng bơh Ồng dê. Tàm tơngai hơ\, Ồng neh tề lam uă kuang bàng bơh Đảng Cộng sản Việt Nam dê. Gơtùi đơs, rài kis lơh broă kăc màng bơh Chủ tịch Hồ Chí Minh dê tàm Quảng Châu neh geh bơta gơrềng jrô ơnàng làm uă tus nùs nhơm lơh bơyô bal đah Lo mờ Việt Nam. Ồng là kuang đơng lam bồ dipal ngan nàng bol he in ki ngàm”.

Broă geh bơta kuơ dờng màng ngan là Chủ tịch Hồ Chí Minh neh bơ\t bơtàu mờ pơlam tàp Đảng gơ gơs là dùl Đảng kơ\ dơn, bềng bơta kơ\ nùs mờng chài tàm đơng lam kăc màng kung bè bơ\t bơtàu Đảng sàng goh, pràn kơldang kơ\ kơl jăp. Ồng sền ngac bơ\t bơtàu Đảng bơh bồ tơngoh, chính trị, rơndăp tăp sèng, nùs nhơm tus gùng dà đơng lam. Jăt Bác Hồ, kờ` bơ\t bơtàu Đảng bè chính trị dipal, lài ngan cau kuang bàng pal prăp gàr nùs nhơm kăc màng. Hơ\ là bơnàng jă nàng gàr kơ\ bơngă bơh Đảng dê mờ làng bol. Cau lơh báo Nhị Lê, lài do là Phó Tổng Biên tập Sră báo Cộng sản đơs nền:

4 bơta broă dờng ngan, bơta kơlôi sơnơng sùm bơh Bác Hồ dê bơh ală broă bal bè bơ\t bơtàu Đảng. Bác Hồ sùm đơs wih đơs wơl tơl nă kuang bàng, đảng viên “tơryăng tơryồng, tềm pềr, song dơ pă, lơh broă jơh nùs, dòn song, tă pơgồp dà kơlhề mờ ờ kơlôi tus bơta kuơ is să tờm in”. Hơ\ là nùs nhơm kăc màng bơh kuang bàng, đảng viên dê mờ hơ\ kung là bơta kơlôi sơnơng sùm. Tài bè hơ\, den hơ\ sồng go\ geh mờ gơnoar broă là Đảng ăt gơnoar dilah ờ gàr geh gùng dà ai jơi bơtiàn in, tơl nă kuang bàng, đảng viên ờ gàr geh nùs nhơm kăc màng den digơlan gơtìp ờ pràn, digơlan lơh roh te\ gơnoar broă bơh Đảng dê là jơnau mpờl go\ sùm.  

Chủ tịch Hồ Chí Minh sền ngăc ngan tus bơta pal jăt bơ\t bơtàu Đảng. Lài ngan là bơta pal jăt tơrgùm bal làng bol lơh tờm- bơta pal jăt lơh nền bơta pràn bơh Đảng dê. Ồng sồr Đảng pal lơh jăt di bơta pal jăt mpồl cau đơng lam, cau dùl nă să is dờp lơh kơnòl broă, pleh ai Đảng in ờ gơtìp gơ ơm tàm nùs nhơm ờ rcăng ngăc, bơcrì bơcrà lơh is, sơmờm gơnoar, ai gùng dà bơh Đảng dê gơ gơs là bơta geh ngan duh hồl. Mờ Đảng kung pal lơh jăt niam bơta pal jăt lơh glài krà` mờ rcăng ngac is, kung bè bơta pal jăt tam klăc tơrgùm bal tàm Đảng, pal “sền gàr bơta tam klăc tàm Đảng bè sền gàr gar măt bơh he dê”.

Tàm bơ\t bơtàu Đảng, Ồng gam sồr Đảng pal lơh jăt sùm mờ lơh niam bơta pal jăt gi\t gơ\p rềp mềl mờ làng bol, sùm sùm ai tồr iăt kơno jơnau đơs bơh làng bol dê, hơ\ là bơnàng jă nàng Đảng in tam lơh jai pha…Bơh ală sơ`io gùng bơh Ồng dê, ồng Phạm Thế Duyệt lài do là Kuang bàng duh broă sùm tàm Bộ Chính trị, Kuang ătbồ Ủy ban Mặt trận dà lơgar Việt Nam đơs sùm: Đảng pal đơng lam bồ bơ\t bơtàu dùl Dà lơgar ngan ngồn làng bol dê, bơh làng bol mờ tài làng bol; bal mờ ală kơrnoat boh lam, ai broă sền gàr gơnoar kuơ bơh làng bol dê lơh jơnau kờ` khà dùl.

Lơh bè lơi lơh niam nùs nhơm làng bol lơh tờm. Đảng đơng lam mơya pal lơh niam nùs nhơm làng bol lơh tờm. Mìng geh lơh niam nùs nhơm làng bol lơh tờm den hơ\ sồng đơs nền geh broă tu\ ai tơlik mờ tu\ lơh jăt di halà ờ di? A` ờ go\ pin wil wơl mơya jăt a` kơlôi den pal geh bơta lơh ngan jơh nùs uă tàm tu\ đơng lam mờ lơh niam nùs nhơm làng bol lơh tờm là “gùng dà” nàng sền swì, gi\t ală broă, ai tơlik geh lơh jăt halà ờ.

Tàm ală ngai nhai 5 kah yau, jơh gùt Đảng, gùt làng bol kah wơl ngai deh Bác Hồ dê bal mờ nùs nhơm ki ngàm mờ gi\t ưn ngài uă ngan. Ồng neh phi să jơh dùl rài kis ai kăc màng in mờ ai jơi bơtiàn Việt Nam in, ai dà lơgar he bơh rài lơh di gơ nă jo\ jòng sùm, bòl glar kal ke, klam jơngo ngan, gơ gơs là dùl dà lơgar lơngăp lơngai, khăt gơboh is. Bác Hồ neh lòt ngài mơya bồ tơngoh, nùs nhơm, bơto tơngkah kòn bơnus bơh Ồng dê sùm sùm gơcrà àng tàm nùs nhơm tơl nă làng bol Việt Nam dê mờ tàm plai nùs bơh kòn bơnus jak chài tàm gùt dunia dê.

Cau cih Lại Hoa- Cau mblàng Lơ Mu K’Yến