VOV4.K’ho - Di tơnkah 60 nam Ngai pờ gùng Hồ Chí Minh tàm dà lềng (23/10/1961-23/10/2021), mho òr (19/10), tàm gơlang Chủ tịch, Chủ tịch lơgar ồng Nguyễn Xuân Phúc tìp măt mpồl ala măt cau ling yau gùng Hồ Chí Minh tàm dà lềng mờ ala măt ală kuang bàng, cau ling Mpồl ling dà lềng geh cồng nha, broă lơh jăk chài, jăk chài ngan.

Đơs tàm dơ̆ tìp măt, Chủ tịch lơgar đơs tờm, broă pờ gùng Hồ Chí Minh tàm dà lềng tơlik bồ tơngoh kơlôi sơnơng jŏ jòng, bơceh lơh, àng sơrdah jăk chài bơh Đảng mờ Bác Hồ kờñ gơboh dê. Gơwèt mờ ală cau ling yau gùng Hồ Chí Minh tàm dà lềng, Chủ tịch lơgar ồng Nguyễn Xuân Phúc kơ̆p kờñ tơl nă cau ling yau pơn jăt tai tơnguh bơhiàn jăk chài, pràn kơl dang bơh mpồl ơhò “ờ sồ” nàng sùm là ală cau lam lài bè bồ tơngoh khin cha jăk chài kăc màng, bơh nùs nhơm khin cha, bồ tơngoh kră kơl dang, sùm lơh ngan tus bal bơ̆t bơtàu hìu nhă, ƀòn lơgar, dà lơgar ngai sơlơ pas gơs niam bơnĕ rơlao.

Cau mblàng Ndong Brawl