VOV4.K’ho- Di dơ̆ tơngkah 131 nam Ngai deh Chủ tịch Hồ Chí Minh, 110 nam Bác Hồ lòt jòi gùng dong klàs dà lơgar (05/6/1911 - 05/6/2021), drim ngai 20/5, tàm bàr pe tiah tềl lời wơl kah yau tàm kơnhoàl Hóc Môn, ƀòn dờng Hồ Chí Minh, ồng Nguyễn Xuân Phúc Chủ tịch lơgar pơ dơng bơkào, chu ñàng kah kơlôi Chủ tịch Hồ Chí Minh; pơ dơng bơkào, chu ñàng kah ưn ngài ală cau ling khin cha jak chài chơ̆t phi să, tàm hơ̆ geh Tổng Bí thư lài do là ồng Nguyễn Văn Cừ,  ồng Hà Huy Tập.

Kơnhoàl Hóc Môn geh gùt lơgar gĭt tus mờ dơ̆ tam lơh 18 thôn Vườn Trầu tàm nam 1885 mờ Hóc Môn hơ̆ là tiah geh Đảng dà lơgar sac rơ wah lơh pôs đồng ndơ̆p ndơr nàng pờ uă dơ̆ pơrjum kuơ màng đơng lam srơh kăc màng gùt lơgar tàm tơngai bơh nam 1936-1939. Tàm Hìu duh khoai kah kơlôi Sơnĕ 3 Giồng tàm ƀlàng Tiah tềl lời wơl kah yau kấp dà lơgar Sơnĕ 3  Giồng, Chủ tịch lơgar mờ mpồl Kuang bàng chu ñàng, pơ dơng bơkào, kun bồ ki ngàm tềp đap rùp hin Chủ tịch Hồ Chí Minh dê, là Kuang đơng lam ƀồ dờng màng ngan bơh jơi bơtiàn Việt Nam dê. Kung tàm drim ngai 20/5, tàm xã Tân Thới Thượng, kơnhoàl Hóc môn, Chủ tịch lơgar neh tus còp, pà phàn bàr pe hìu bơnhă chính sách pơn rơ jak in.

Cau mblàng K’Hạnh