VOV4.K’ho- Mho ngai 22/6, ồng Nguyễn Xuân Phúc- Chủ tịch lơgar, Kuang ătbồ Mpồl đơng lam lơh niam wơl sền gàr adat boh lam dà lơgar mờ ồng Phan Đình Trạc- Kuang ătbồ Ban Nội chính Dà lơgar neh đơng lam bal dơ̆ lơh broă bơh Duh broă sùm Mpồl đơng lam lơh niam wơl sền gàr adat boh lam dà lơgar dê nàng ai jơnau đơs gơwèt mờ rơndăp cih Rơndăp broă lơh pồ tơl kuang bàng Mpồl đơng lam lơh niam wơl sền gàr adat boh lam dà lơgar dê.

Sền bal dùl nùs bal mờ jơnau yal bơh Ban Nội chính dà lơgar dê, ồng Nguyễn Xuân Phúc- Chủ tịch lơgar đơs sùm bơta kờñ ngan lơh Rơndăp broă lơh pồ tơl mpồl kuang bàng đơng lam mờ broă lơh bơh Mpồl đơng lam lơh niam wơl sền gàr adat boh lam dà lơgar dê nàng kờñ lơh di jơnau kờñ đơng lam sồr lơh broă lơh lơh niam wơl sền gàr adat boh lam, bơh hơ̆ pơn jăt tai tam gơl pa, tơnguh tai, sền gàr bơta đơng lam kơ̆ kơl jăp bơh Đảng dê gơwèt mờ mpồl đơng lam mờ broă lơh bơh ală anih lơh broă sền gàr adat boh lam dê, ngan là tàm broă lơh lùp khàu, bơsong ală dơ̆ lơh tìs, broă lơh tìs, bơsong jơnau ờ lơh kràñ đơng lam halà tus bal ờ di tàm broă lơh sền gàr adat boh lam.

Cau mblàng Lơ Mu K’Yến