VOV4.K’ho- Ngai do, 29/4, Mpồl đơng lam tam gơl pa Sền gàr adat boh lam dà lơgar pơrjum sền swì cồng nha lơh jat Quyết định sồ 549 bơh Thủ tướng Chính phủ năm 2013 dê kĭ ring bal Rơndap broă lơh tơrgùm bal “Bơt bơtàu Hìu bơsram Đại học Luật Hà Nội mờ Hìu bơsram Đại học Luật ƀòn dờng Hồ Chí Minh gơ gơs hìu bơsram tờm bơto bơtê kuang bàng bè adat boh lam” mờ Quyết định sồ 2083 bơh Thủ tướng Chính phủ năm 2013 dê kĭ ring bal Rơndap broă lơh “Bơt bơtàu Học viện Sền gàr adat boh lam gơ gơs tiah tờm dờng bơto bơtê ală gơnoar broă Sền gàr adat boh lam”.

Lài hơ̆, tàm mho ngai 28/4, ồng Nguyễn Xuân Phúc Chủ tịch lơgar, Kuang atbồ Mpồl đơng lam tam gơl pa Sền gàr adat boh lam dà lơgar neh đơng lam dơ̆ pơrjum rcang lài bè tơngume do. Tàm dơ̆ pơrjum do, Kuang đơng lam bồ bàr pe Bộ, gah sơnah lơh broă mờ ală hìu bơsram đại học, học viện đơs bàr pe jơnau dan bè phan bơna, mpồl cau bơcri priă mờ geh jơnau dan pơn jat tai lơh jat ală rơndap broă lơh jat ală Quyết định sồ 549 mờ 2083 bơh Thủ tướng Chính phủ dê. Kuang đơng lam bồ 2 hìu bơsram đại học Luật kung kơ̆p kờñ dà lơgar geh jơnau lùp adat boh lam mờ tă pơgồp bal tàm broă bơt bơtàu broă lơh.

Đơs tàm dơ̆ pơrjum, Chủ tịch lơgar đơs niam ngan ală hìu bơsram đại học, học viện neh geh uă bơta lơh ngan tàm broă lơh jat rơndap broă lơh lơh jat ală Quyết định sồ 549 mờ 2083 tàm tơngai pa do. Khà cau mờ bơta niam bơto bơtê geh tơnguh, gơ gơs là ală mpồl bơto bơtê geh pơnrơ tàm lơgar.

Cau mblàng K’ Hạnh