VOV4.K’ho- Mho ngai 04/5, tàm Hà Nội, ồng Nguyễn Xuân Phúc Chủ tịch lơgar đơng lam dơ̆ lơh broă mờ kuang đơng lam bồ anih lơh broă sền gàr adat boh lam dà lơgar mờ Bộ Kuang àng bè broă lơh jăt Adat Toh glài tơngklàs jàm nam 2018. Jăt jơnau đơs bơh ală kuang bàng tus bal dơ̆ pơrjum do dê, Adat Toh glài tơngklàs jàm nam 2018 neh bơsong jơh ală bơta ờ hềt niam bơh Adat Toh glài tơngklàs jàm nam 2007 dê.

Adat kung neh jàu Chính phủ in cih nền cê bàr pe bơta pal geh bơh cau geh dan toh glài tơngklàs jàm dê, sră nggal dan toh glài tơngklàs jàm, ală broă lơh, lơh sră nggal mờ sră nggal dan toh glài tơngklàs jàm, kơnòl bơh Ủy ban Nhân dân ală kấp dê, anih lơh broă, mpồl cau geh gơrềng dê...

Đơs tàm dơ̆ pơrjum, ồng Nguyễn Xuân Phúc sồr broă lam lơh jăt broă lơh toh glài tơnglàs jàm pal lơh jăt ală broă pơlam lơh niam, loh làng, song dơ pă, di jơnau cih bơh kơrnoat boh lam dê mờ ờ gŏ di lời gơlik jơnau ờ niam. Tŭ geh gùng dà ngan ngồn bơh Đảng, Dà lơgar dê den pal rơcăng lài rơcăng ală sră nggal, kơrnoat boh lam, bơto pơlam geh gơrềng bal, lơh jăt di ală jơnau cih bơh Adat Toh glài tơngklàs jàm nam 2018 dê.

Cau mblàng Lơ Mu K’Yến