VOV4.K’ho- Di dơ̆ tơngkah kir sơnrai 60 nam Ngai bơhiàn Hìu bơsram Sỹ quan Lục quân 2 (27/8/1961 – 27/8/2021), ồng Nguyễn Xuân Phúc- Chủ tịch lơgar neh pơyoa jơnau gờm chờ Kuang bàng, sỹ quan, cau pơgru, cau bơsram, cau ling bơh Hìu bơsram dê. Ala mat Kuang đơng lam bồ Đảng, Dà lơgar mờ Quân ủy Dà lơgar, ồng Nguyễn Xuân Phúc- Chủ tịch lơgar rềp mềr pơyoa tus ală rnàng Kuang ling, Kuang bàng, sỹ quan, cau pơgru, cau bơsram mờ cau ling hìu bơsram Sỹ quan Lục quân 2 dê ală nùs nhơm rềp mềl mờ jơnau gờm chờ niam bơnĕ ngan rlau jơh.

Crơng gơs tơn tàm tiah tam lơh tiah đah Jum dà lơgar dê tàm rài tam lơh mờ bol sò tơm Mỹ, tơngklàs dà lơgar, lòt gan 60 nam bơt bơtàu, bơto bơtê, tam lơh mờ dờng pràn, ală rơnàng Kuang bàng, sỹ quan geh bơto bơtê bơh Hìu bơsram dê neh tus bal tam lơh tàm gùt ală tiah tam lơh, pơgồp bơnah kuơ màng tàm bơta tam lơh jai pha bơh ling klàng mờ làng bol he dê tàm dơ̆ tam lơh tơngklàs tiah đah Jum dà lơgar, tơrgùm dùl dà lơgar lài do mờ tơngai bơt bơtàu, sền gàr dà lơgar tŭ do dê. Tus tŭ do, Hìu bơsram neh gơ gơs là dùl anih tờm bơto bơtê sỹ quan gah đơng lam Lục quân kấp phân đội kơnă bơsram đại học, tơnơ̆ Đại học mờ kơlôi sơnơng nghệ thuật ling klàng bơh Ling klàng he dê. Chủ tịch lơgar pin dờn tàm tơngai tus, Hìu bơsram pơn jat tai lơh ngan, sùm tam gơl pa, tơnguh uă bơta niam bơto bơtê mờ kơlôi sơnơng khoa học, lơh sir niam ngan tơl kơnòl broă geh jàu, pơgồp bơnah lơh ngan bơt bơtàu Ling klàng làng bol kăc màng, chính quy, nhap nhar mờ sơr băc mhar, hời rơ hời lơh pa.

Cau mblàng K’Hạnh