VOV4.K’ho - Mho òr (06/09), tàm gơlang Chủ tịch, Chủ tịch lơgar ồng Nguyễn Xuân Phúc wă Đại sứ lơgar Ấn Độ tàm lơgar Việt Nam ồng Pranay Verma. Chủ tịch lơgar tơlik nùs nhơm ưn ngài Chính phủ lơgar Ấn Độ neh dong kờl lơgar Việt Nam măi lơh geh nhơm oxy mờ ală phan lơh sơnơm.

Chủ tịch lơgar kơ̆p kờñ Đại sứ hòi jà Chính phủ lơgar Ấn Độ ai lơgar Việt Nam in càn mhar 10 tơlăk ding sơnơm vaccine tàm tơngai tus, mờ ai ală sơnơm sơm kòp Covid-19 kung bè ală phan lơh broă, phan lơh sơnơm ai lơgar Việt Nam in. Tàm tơngai tus, Chủ tịch lơgar ồng Nguyễn Xuân Phúc hòi jà Đại sứ sền gròi, chồl pràn broă lơh git gơ̆p đah bàr lơgar. Tàm hơ̆ geh sùm mờ chồl pràn broă tìp bal dờng, ală cấp mờ tìp bal làng bol; chồl pràn broă lơh jăt ala cơ chế lơh broă bal neh geh lài bè Ủy ban tơrgùm bal lơgar Việt Nam mờ lơgar Ấn Độ bè broă lơh sa, kă bro, Khoa học mờ Công nghệ; Lùp sền Chính trị mờ broă lơh pờ tơlik tàm internet ha là tìp bal tơn. Bàr gah pal lơh broă bal ală broă lơh geh kuơ, mùl màl tơnkah 50 nam ngai crơng gơs broă lơh git gơ̆p; lơh broă bal, chồl pràn broă lơh jăt broă lơh git gơ̆p bal jŏ jòng, tơl ală bơta tơngai bơh nam 2021 tus 2023 nàng lơh mùl màl jơh ală gah broă lơh bal mờ bàr gah neh ring bal.

Cau mblàng Ndong Brawl