VOV4.K’ho- Drim òr 21/2, ồng Trần Đại Quang, Chủ tịch lơgar tus bal dơ\ bơyai lơh mờ ja` sơngơr hòi jà “Sa tềp tam chi sùm sùm kah ưn ngài dà kơlhề Bác Hồ” bồ sơnam pa Mậu Tuất 2018 bơyai lơh tàm xã Quân Bình, kơnhoàl Bạch Thông, càr Bắc Kạn.

Đơs tàm dơ\ bơyai lơh, ồng Trần Đại Quang đơs loh: 58 nam do, pah tu\ bồ sơnam pa sa tềp tus, cih kah mờ lơh jat jơnau bơto sồr bơh Bác Hồ dê “sơnam pa là sa tềp tam chi, lơh ai dà lơgar in sơlơ ngai sơlơ niam”, làng bol gùt lơgar bơyai lơh tai ngai chờ “Sa tềp tam chi”.

Sa tềp tam chi neh gơ gơs là bơhiàn mờng quèng niam bơne\ bơh làng bol he dê tàm ală ngai chờ sa tềp, wa\ rò sơnam pa, cèng wơl ală cồng nha dờng ngan, pơgồp bơnah uă ngan sền gàr tiah ơm kis, bơtàu tơnguh lơh sa- mpồl bơtiàn bơh dà lơgar dê.

Chủ tịch lơgar đơs là, ngai do, tu\ plai ù gam sơlơ duh tai, tam gơl trồ tiah gùt plai ù, dà lềng tih, trồ tiah lơh aniai, mìu càl rbu\t dờng dà ko\ dà cò gơlik tus nisơna, bơta pràn lơh aniai sơlơ dờng, pơhìn tus rài kis kòn bơnus, bơtàu tơnguh lơh sa kơ\ kơl jăp gơ lòt jat bal mờ sền gàr tiah ơm kis neh gơ gơs là jơnau sồr jal mhar ngan gơ wèt tus mờ jơh ală lơgar. Broă tam chi, lơh gơs brê mờ sền gàr brê ngai sơlơ geh bơta kuơ dờng, gơcèng bơta jo\ jòng.

Cau mblàng mờ yal tơngi\t Lơ Mu K’Yến