VOV4.K’ho- Mho ngai 23/11, tàm Hìu duh broă Chủ tịch, Chủ tịch lơgar ồng Nguyễn Xuân Phúc jàu Huân chương Lơngăp lơngai is khà dùl ai Kuang geh jơng Đảng Dà lơgar lài do, Phó Chủ tịch lơgar lài do mò Đặng Thị Ngọc Thịnh in; jàu Huân chương Lơngăp lơngai is khà II ai Kuang geh jơng Đảng dà lơgar lài do, Kuang ătbồ Cơldŭ lơh broă Chủ tịch lơgar lài do ồng Đào Việt Trung in.

Kuang đơng lam Cơldŭ lơh broă Chủ tịch lơgar kung yal Kơrnoăt rê rlô jơh sơnam lơh broă bơh Ƀộ Chính trị dê gơwèt mờ ală kuang bàng geh jơng tàm Đảng dà lơgar khoá XII: Mò Đặng Thị Ngọc Thịnh mờ ồng Đào Việt Trung. Ala măt kuang đơng lam bồ Đảng, Dà lơgar, Chủ tịch lơgar ồng Nguyễn Xuân Phúc gờm chờ, jờng rơ ngan mờ ki ngàm ưn ngài ngan bơta tă pơgồp kuơmàng bơh mò Đặng Thị Ngọc Thịnh mờ ồng Đào Việt Trung dê neh lơh gơs jak ngan kơnòl broă, geh Đảng mờ Dà lơgar dê jàu.

Cau mblàng Lơ Mu K’Yến