VOV4.K’ho- Mho ngai 08/10, tàm Hà Nội, ồng Nguyễn Xuân Phúc- Chủ tịch lơgar tus bal dơ̆ dờp sră jờng rơ Cau ling khin cha jak chài Mpồl ling phàu crong làng bol ai Đoàn Ơruh pơnu dong klàs dà lơgar Thành Hoàng Diệu in; broă lơh jờng rơ cau niam, broă niam pơn rơ jak mờ jờng rơ làng bol càr lơgar jak ngan nam 2021 bơh ƀòn dờng Hà Nội dê. Broă lơh geh bơyai lơh jơh bal mờ broă lơh tơn bal mờ pờ tơlik tơn tàm internet mờ rlau 80 anih tàm tơrbŏ bal tàm gùt ƀòn dờng Hà Nội.

Ala mat kuang đơng lam bồ Đảng, Dà lơgar ồng Nguyễn Xuân Phúc neh jàu sră jờng rơ Cau ling khin cha jak chài Mpồl ling phàu crong làng bol ai Đoàn Ơruh pơnu dong klàs dà lơgar Thành Hoàng Diệu in. Tàm rài kah yau bơh càr lơgar Hà Nội dê, tam lơh jai pha bơh Đoàn Ơruh pơnu dong klàs dà lơgar Thành Hoàng Diệu dê sùm geh cih dờp. Tàm đòm jat bơhiàn bơh ală Đoàn ơruh pơnu lài do dê, tàm ală nam do, rơnàng kơnòm să càr lơgar neh lam lài tàm tơl gah, tă pơgồp tàm broă bơt bơtàu càr lơgar là ƀòn dờng bơceh pa, tài bơh ring lơngai, rơbô nam bơt bơtàu mờ bơtàu tơnguh. Tàm dơ̆ jờng rơ, ƀòn dờng Hà Nội kung neh jờng rơ ală krơh niam cau niam, broă niam pơn rơ jak mờ jờng rơ 9 nă “ làng bol càr lơgar pơn rơ” jak ngan tàm ală gah nam 2021 dê.

Cau mblàng K’Hạnh