VOV4.K’ho- Mho ngai 3/8, tàm Hìu lơh broă Chủ tịch, ồng Nguyễn Xuân Phúc- Chủ tịch lơgar tìp mat ală cau pơn rơ jak tàm broă lơh jat jơnau kờñ dơ̆ lĕ bal bơh gah tàñ may Việt Nam dê.

Chủ tịch lơgar pơyoa jơnau lùp còp gùt mpồl công nhân gah tàñ mai

Đơs tàm dơ̆ tìp mat, ồng Nguyễn Xuân Phúc neh pơyoa jơnau lùp còp rềp mềl ngan tus gùt mpồl công nhân, cau lơh broă gùt gah tàñ mai Việt Nam gam pal kong mờ uă bơta kal ke tài bơh kòp Covid-19. Chủ tịch lơgar đơs ngan, tàm tơngai kòp, dilah tơl gah ndrờm ơm ờ lơh broă, den dà lơgar geh gơtìp uă ngan kal ke. Den tàng, ală cau pơn rơ jak bơh gah tàñ mai dê là cơng tàng pà gŏ, tàm bơta kal ke kung gam geh sơl uă krơh àng niam brồ guh, sơr lèt gan kal ke, geh broă lơh geh cồng nha nàng sền gàr pràn kơl dang să jan bơh công nhân dê, mơkung gàr niam broă lơh gơlik phan, drơng rài kis bơh công nhân mờ cau lơh broă in. Gùt gah lơh broă rơ̆p mìng pa geh 209 nă cau là F0, pà gŏ broă lơh sa pơgồp bal niam đah lơh gơlik phan mờ sền gàr pràn kơl dang să jan cau lơh broă in, là ală broă lơh gơtùi lơh rề ơnàng uă ai uă gah ndai in.

Cau mblàng K’Hạnh