VOV4.K’ho- 99 nam kis tàm rài kis, rlau 80 nam mu\t Đảng, rài kis lơh broă kăc màng bơh Chủ tịch lơgar lài do, Đại tướng Lê Đức Anh dê neh lời wơl ală jơnau kah kuơmàng. Ồng là dùl tàm ală cau lơh broă chính trị geh bơngă dờng ngan, dùl nă kuang bàng gah ling klàng dờng màng bơh Đảng mờ Dà lơgar he dê. Uă nam đềt mềr mờ là cau tàm pơn jat, Chủ tịch lơgar lài do ồng Trần Đức Lương đơs là: Chủ tịch lơgar lài do, Đại tướng Lê Đức Anh là dùl nă kuang ling jak chài ngan. Tu\ geh jàu kơnòl broă chính trị, ồng sùm pơgồp bal niam ngan 2 gah broă ling klàng sền gàr dà lơgar mờ chính trị mpồl bơtiàn. Mờ ồng kung là cau dùl nùs dùl tồr bal sùm mờ ală kuang đơng lam bồ lam lơh mờ đơng lam broă lơh tam gơl pa dà lơgar:

Tàm jơnau yal, Chủ tịch lơgar lài do ồng Trần Đức Lương yal bol a` in iat bè ală jơnau kah wơl tàm uă nam ơm rềp bal sùm mờ là cau tàm pơn jat at gơnoar broă Chủ tịch lơgar. Gơ wèt mờ ồng, Chủ tịch lơgar lài do, ồng Lê Đức Anh là dùl nă kuang bàng jak chài ngan, jơh dùl rài kis lơh broă sùm lơh 2 gơnoar broă: broă ling klàng mờ broă chính trị. Tàm tơngai jo\ jòng ngan, ồng Lê Đức Anh lơh broă tàm gah ling klàng, lơh kuang đơng lam bồ uă kấp krơi is, uă ngan là lơh broă tàm kơnhoàl ù tiah [òn lơgar đah jum dà lơgar, Quân khu 9, Quân khu 7 mờ anih lơh broă đơng lam bồ gùt ù tiah.

Tu\ là kuang ling, Chủ tịch lơgar lài do ồng Lê Đức Anh là dùl nă kuang ling jak chài ngan, tơryăng tơryồng, ngac ngar, lơh geh uă bơta jai pha tàm dơ\ tam lơh đềt mềr bal mờ ală mpồl ling mờ làng bol tàm ală tiah, ală anih, mờ oh mi lơh kơnòl broă bal. Tu\ geh jàu lơh kơnòl broă chính trị là tờm, bè Bộ trưởng Bộ Quốc phòng, Chủ tịch lơgar, ồng sùm pơgồp bal niam ngan 2 broă ling klàng sền gàr dà lơgar mờ broă chính trị mpồl bơtiàn.

Chủ tịch lơgar lài do, ồng Trần Đức Lương đềt mềr mờ lơh broă uă bal mờ ồng Lê Đức Anh tàm ală nam sơnrờp bơh rài tam gơl pa. Tàm gơnoar broă Chủ tịch lơgar, ồng Lê Đức Anh sùm pơgồp bal kơnòl broă bơ\t bơtàu, sền gàr Dà lơgar, pơgồp bal chính trị mờ broă ling klàng. Ồng yal: tàm bồ nam 1990, tơnơ\ tu\ mpồl ling lơh broă dong kờl is lơgar Việt Nam dê tàm lơgar Campuchia rê hờ lơgar tờm, do là tu\ tơngai Bộ Quốc phòng rơndăp tăp sèng wơl kung dờng sơl. Tu\ tơngai hơ\, gi\t nđờ jơ\t rbô nă kuang bàng, cau ling lik ling. Mờ gơnoar broă là Bộ trưởng Bộ Quốc phòng, pơn jat hơ\ là Chủ tịch lơgar, ồng Lê Đức Anh sền gròi ngan tus rài kis bơh kuang bàng cau ling dê, ală cau neh tă pơgồp mhàm ntìng tàm ală tiah tam lơh sền gàr dà lơgar kung bè lơh kơnòl broă dunia, tu\ do rê wơl tàm rài kis bềng bơta kal ke:

Ồng Lê Đức Anh neh sồr Bộ Quốc phòng geh uă broă lơh dong kờl gơ wèt mờ kuang bàng cau ling lik ling halà pơn jat tai là bơta sền gròi dong kờl bơh Đảng, Dà lơgar dê gơ wèt mờ mpồl phàu crong. Tơngai hơ\ neh geh uă gùng dà broă lơh geh ai halà dong kờl uă ngan nàng tơrmù [à kal ke ai kuang bàng, cau ling lik ling bồ ală nam 1990 in. Oh mi geh dong kờl bè hìu ơm, bơta lòt rê, bơsram sră, lơh sa.

Chủ tịch lơgar, Đại tướng Lê Đức Anh gam geh sền là “dùl nă cau bơ\t mòn hìu đam” bơh broă lam lơh ală broă lơh jo\ jòng mờ broă lơh chài ngan tàm gùng dà lơh bè ờs wơl bơta git gơ\p mờ Lo mờ Mỹ. Broă crơng gơs bơta git gơ\p lơh broă bal do geh bơta kuơ dờng màng ngan, tơn jơh bơta wàng se kơryan nàng ai lơgar he klàs bơh bơta wàng se kơryan tàm tơngai jo\ jòng lài hơ\:

Ală nam bồ nam 1990, tơnơ\ tu\ bol he yal bơr gùng dà tam gơl pa den geh bal tam gơl pa bè gùng dà broă lơh mờ lơgar ndai, jơnau kờ` khà dùl lơh broă mờ lơgar ndai tàm tu\ hơ\ là tă bơsong bơta wàng se ku\p kơryan. Kờ` tă bơsong wàng se kup kơryan den lài ngan là bơh Mỹ mờ Lo, hơ\ sồng tus ală mpồl priă jền ndai geh gơrềng bal. Ồng Lê Đức Anh là dùl tàm ală cau jơh nùs ngan tă pơgồp tơngo\ nùs nhơm jak chài ngan gơ wèt mờ lơgar Lo mờ Mỹ nàng bơh bơta gơjra` kơuềng tam gơl rơhời tus nùs nhơm lơh broă bal geh kuơ bal.

Ờ mìng là dùl nă kuang ling jak, tàm gah broă lơh chính trị, ngan là chính trị lơh broă mờ lơgar ndai, Chủ tịch lơgar lài do, Đại tướng Lê Đức Anh gam là dùl nă cau jrô ơnàng ngan, geh bơta sền sơnơng jo\ jòng. Ồng Lê Đức Anh neh lời wơl tàm nùs nhơm Chủ tịch lơgar lài do ồng Trần Đức Lương ală jơnau kah wơl jrô ơnàng ngan bơh kuang đơng lam bồ kuơmàng bơh Đảng, Dà lơgar dê, dùl nă kuang ling bơh mpồl ling mờ làng bol Việt Nam dê.

Cau mblàng Lơ Mu K’Yến