VOV4.K’ho - Chủ tịch lơgar lài do ồng Trần Đức Lương pa tus còp gùng sră kơphe Buôn Ma Thuột mờ Bảo tàng càr Dak Lak.

Ồng Đặng Gia Duẩn, Phó kuang atbồ Sở Văn hóa, Thể thao và Du lịch càr Dak Lak neh yal mờ ồng Trần Đức Lương bè bơta kờ` mờ bơta kuơ bơh broă lơh, ngui gùng sră kơphe Buôn ma Thuột.

                                 Chủ tịch lơgar lài do ồng Trần Đức Lương còp Gùng sră Buôn Ma Thuột

Ồng Trần Đức Lương chờ hờp tu\ g^t do là bơta pa krơi is, niam tàm dơ\ lơh chờ nam do, gam là anih tus niam, hòi jà cau năc tàm lơgar bal mờ lơgar bơdìh, pơgồp bal tàm broă yal bơta chài rơgơi sền, bơta chài rơgơi kơphe, bơta chài rơgơi ờs mờng bơh ală jơi bơtiàn kòn cau kis tàm Tây Nguyên dê.

Phó Giám đốc Sở Văn hóa, Thể thao mờ Du lịch ồng Đặng Gia Duẩn yal mờ Chủ tịch  lơgar lài do bè ù tiah sră mpồl bơtiàn tàm Gùng sră

Tơnơ\ mờ dơ\ tus còp gùng sră, ồng Trần Đức Lương tus Bảo tàng càr Dak Lak sền ală phan geh ràng tơl^k tàm do. Tàm do, ồng Trần Đức Lương neh cih jơnau lời kir tàm pang sră cih jơnau kơlôi sơnơng Bảo tàng dê bal mờ iăt teh ală phan đơs crih ờs mờng geh Bảo tàng càr bơyai lơh drơng cau năc di tàm dơ\ lơh chờ do.

               Ồng Trần Đức Lương lòt còp phan kir gơrềng tus kơphe tàm Bảo tàng càr

Dơ\ lơh chờ kơphe Buôn Ma Thuột dơ\ 7 nam 2019 ngai do mut tàm ngai dơ\ 4. Ală ngai do, uă broă lơh dờng bơh dơ\ lơh chờ dê neh geh bơyai lơh, bè: sơn đờm mut ngui Gùng sră - kơphe.

                         Chủ tịch lơgar lài do cih jơnau lời kir tàm pang sră cih kah kơlôi bơh Bảo tàng dê

Dơ\ lơh chờ tàm gùng, yal cồng nha dơ\ tàm pơrlòng kơphê bơkah Việt Nam, drà ràng tơlik gah lơh kơphê, ràng tơlik kah yau kơphê dunia, lơh ală dơ\ lơh yàng, dơ\ lơh chờ bơh yau ală làng bol kòn cau tàm tiah do dê mờ ràng tơlik rùp 44 nam pha lin Buôn Ma Thuột- ală broă lơh kah yau, dơ\ sơn đờm mut lơh chờ, pơrjum hòi jà bơcri priă càr Dak Lak nam 2019 mờ pơrjum bơtàu tơnguh kơphe bơkah Việt Nam.

Dơ\ tàm pơrlòng cau lơh broă sa jak chài kung neh geh lơh tàm ngai 11 nhai 3. Ală broă lơh geh lơh tàm ală ngai do bơh dơ\ lơh chờ kơphê dê neh lời wơl bơta niam tàm nùs nhơm làng bol mờ năc nhơl chờ.

Cau mblàng Ndong Brawl