VOV4.K’ho- Mho ngai 14/9, Chủ tịch lơgar ồng Nguyễn Xuân Phúc neh lơh broă mờ Kuang đơng lam bồ Anih cah rơña jơnhua ngan rlau jơh dà lơgar, Cơldŭ lơh broă Chủ tịch lơgar, Ban Nội chính dà lơgar, Viện Kiểm sát Nhân dân jơnhua ngan rlau jơh dà lơgar, Bộ Kuang àng mờ Ủy ban sền gàr adat boh lam bơh Quốc hội dê bè lam lơh broă rơndap lơh bơh làm gah broă lơh dà lơgar dê bè bơsong sră nggal kơrnuat lơh glài gơ sơt să jat di mờ jơnau cih bơh adat boh lam dê.

Chủ tịch lơgar ồng Nguyễn Xuân Phúc đơs nền, sră nggal kơrnuat lơh glài gơ sơt să là broă geh làng bol mờ Quốc hội sền gròi ngan. Bè hơ̆ den tàng, Anih cah rơña làng bol jơnhua ngan rlau jơh dà lơgar, Viện Kiểm sát Nhân dân jơnhua ngan rlau jơh dà lơgar, Bộ Kuang àng mờ Cơldŭ lơh broă Chủ tịch lơgar pơn jat tai pơgồp bal lam lơh geh cồng nha broă rơndap lơh bơh làm gah broă lơh dà lơgar dê ngan ngồn rlau. Tơnơ̆ dơ̆ pơrjum do, pal sơlơ tơnguh rlau tai broă pơgồp bal jơh nùs rlau tàm broă kờp sền ală sră nggal, ờ lời gơlik geh tìs tŭ ai tơlik kơrnuat lơh gơbàn kal ke tŭ lơh jat kơrnuat lơh glài.

Chủ tịch lơgar sồr tàm tŭ lam lơh kơnòl broă geh jàu, ală anih lơh broă pal tơn jơh, sền sơ wì mờ đal git jơnau bơh tài gơlik geh nàng bơh hơ̆ geh broă lơh kơryan, rơcang sơndră ală bơta cau tìs kung bè sền sơ wì jơnau dan tam gơl jơnau cih bơh adat boh lam geh gơ rềng dê.

Cau mblàng K’Duẩn