VOV4.K’ho- Ngai (22/8), ồng Nguyễn Xuân Phúc, Ủy viên Bộ Chính trị, Chủ tịch lơgar Cộng hòa xã hội chủ nghĩa Việt Nam lam bồ Mpồl Kuang đơng lam bồ Đảng, Dà lơgar, Mặt trận dà lơgar Việt Nam tus chu ñàng kah ưn ngài, pơdơng bơkào kah kơlôi ƀồc ồng Đại tướng ồng Võ Nguyên Giáp, di dơ̆ tơngkah 110 nam ngai deh bơh Đại tướng  dê (25/8/1911-25/8/2021).

Chủ tịch lơgar ồng Nguyễn Xuân Phúc chu ñàng kah ưn ngài ƀồc Đại tướng ồng Võ Nguyên Giáp

Đại tướng là kơnòm bơsram jak ngan mờ rềp mềr ngan bơh Chủ tịch Hồ Chí Minh. Jơh rài kis ồng dê, Đại tướng rềp mềr ngan mờ broă lơh kăc màng bơh Đảng mờ jơi bơtiàn. Tàm Đại tướng Võ Nguyên Giáp ồng sùm àng sơrdah nùs nhơm dờng màng bơh cau ling kăc màng khin cha kơ̆ nùs, sùm dòn song mờ broă lơh kăc màng bơh Đảng dê. Đại tướng Võ Nguyên Giáp gam là dùl nă cau jak ngan gahling klàng, neh bal mờ gùt Đảng, gùt làng bol, gùt ling klàng he lơh geh bơta tam lơh jai pha do tus bơta tam lơh jai pha ndai, lơh geh ală bơta pha lin dờng màng ngan. Đại tướng Võ Nguyên Giáp là Kuang bàng jak chài lam lài ngan bè gùng dà tam lơh làng bol bơh srơh dong klàs jơi bơtiàn tàm lơgar mờ tàm dunia.

Cau mblàng K’Hạnh