VOV4.K’ho - Mho òr (15/11), tàm dơ̆ lơh broă tàm ƀòn dờng Hồ Chí Minh, Chủ tịch lơgar ồng Nguyễn Xuân Phúc neh còp, pà phan ờ uă cau pơgru di tơnkah ngai Cau pơgru Việt Nam 20 nhai 11.

    Chủ tịch lơgar chờ gờm PGS.TS, cau pơgru Lý Hoà, Cau khin cha jăk chài lơh broă tàm rài tam gơl pa

Chủ tịch lơgar neh còp, pà phan cau pơgru, Thạc sĩ Triệu Thị Huệ, là Kuang atbồ Mpồl Ngữ văn, Hìu bơsram cấp 3 chuyên Lê Hồng Phong lài do, uă dơ̆ geh dờp sră jờng rơ bơh Chủ tịch UBND ƀòn dờng mờ ală cấp, gah lơh broă jào pà. Chủ tịch lơgar ồng Nguyễn Xuân Phúc dờp, ưn ngài pơn jờng, đơs niam cau pơgru Triệu Thị Huệ neh tă pơgồp jơh bơta pràn bơh he dê ai broă lơh bơto kòn bơnus in. Pơn jăt mờ hơ̆, Chủ tịch lơgar ồng Nguyễn Xuân Phúc neh tus còp, chờ gờm PGS.TS Lý Hoà, Cau khin cha jăk chài lơh broă. Jơnau bơh PGS.TS Lý Hoà, dùl nă cau pơgru jăk, cau lam lài ai bồ tơngoh pràn kơl dang mờ brồ guh bơh dùl nă cau ling mờ dùl broă đềt mềr, kờñ gơboh bơh dùl nă cau khoa học neh hòi jà nùs nhơm kờñ gơboh bơh git nđờ rơnàng kơnòm bơsram.

Cau mblàng Ndong Brawl